Nú eru um 60% þjóðarinnar (ef reiknað frá 16 ára aldri) búin að fá bólusetningu (1 eða 2 sprautur).
Þess sér glögglega merki að bólusetningin er farin að virka í þjóðfélaginu, þar sem þau fáu smit (1-5) sem upp hafa komið undanfarið ná takmarkaðri útbreiðslu ólíkt og áður var.
Því er spáð að þjóðin verði komin með "hjarðónæmi" fyrir Covid í þessum mánuði.
Þessu ber að fagna.
Þessi nýju mRNA bóluefni eru búin að sanna ágæti sitt , eru mjög virk og hættulegar hliðarverkanir mjög sjaldgæfar.
Það er ánægjuleegt að við getum nú tryggt okkur nægt bóluefni frá Pfizer allt til 2023 með sameiginlegum innkaupum og samningum með ESB.
Mjög líklegt er talið að Covid veiran verði enn virk í nokkur ár í viðbót þar til að öll heimsbyggðin verður búin að fá bólusetningu.
Vegna þessa stóra verkefnis að bólusetja alla heimsbyggðina er talið að verjast þurfi nýjum afbrigðum af Covid veirunni með árlegum bólusetningum líkt og flensu.
Bóluefnin frá Pfizer og Moderna eru s.k. mRNA bóluefni og eru talin mjög örugg og fljótgerð til að bregðast við nýjum afbrigðum veirunnar með litlum "breytingum" á gena uppbyggingu bóluefnisins.
Það er því bjart framundan í þessum málum eftir langt tímabil óvissu og erfiðleika.