Mig langar að spyrja þær sem eru með PCOS hvernig þær höguðu mataræðinu sínu á meðgöngu. Ég er að taka metformin/glucophage og verð líklegast á því út meðgönguna og hef haldið mig við frekar hollt mataræði (forðast slæm kolvetni sykur og hveii). Ég er forvitin að vita hvernig gekk hjá ykkur að halda ykkur við þetta og hvort þið greindust með meðgöngusykursýki?
Ég er búin að reyna að gúggla eitthvað um þetta en finnst ég finna lítið - aðallega ráðleggingar um hvernig á að haga mataræðinu til þess að verða ólétt :)
Ég tók ekki Glucophage á meðgöngunni, hætti á því fyrir nokkrum árum því ég þoldi það aldrei í magann. Mér gekk mjög vel að halda mér við hollt mataræði. Það voru helst seinustu 2-3 mánuðirnir sem voru erfiðari því barnið er orðið frekar stórt á þeim tíma og mér leið oft eins og ég væri bara botnlaus. Ég leyfði mér þá að borða slatta því maður þarf aðeins aukalega á þessum tíma en passaði bara að það væri ekki matur sem hækkar blóðsykurinn mikið. Vigtaði mig líka vikulega alla meðgönguna, skráði í Excel og reyndi að fylgja markmiðum um hversu mikið væri eðlilegt fyrir mig að borða og þyngjast á meðgöngu. Mataræðið var aðallega kjöt, fiskur, grænmeti, ávextir, gróft brauð, gróft hrökkbrauð (t.d. Sigdal eða Burger) og svo fékk ég eitthvað æði fyrir hreinu sódavatni og drakk slatta af því. Þegar ég fékk sykurlöngun át ég oft smá sykurlaust hnetusmjör, ávexti eða skyrbúst með ávöxtum. Ég var samt mjög oft nartandi í ávexti eða hrökkbrauð.
Ég fékk ekki meðgöngusykursýki en mjög mikinn bjúg samt. Ég byrjaði á að missa hægt ca 3,5 kg fyrstu 4 mánuðina vegna ógleði og vegna þess að ég tók út sykur og önnur slæm kolvetni sem ég hafði verið að éta svolítið af fyrir óléttuna. Þyngdist svo aftur um þessi 3,5 kg upp í viku 31 og komst þá á þann punkt sem ég hafði verið þegar ég varð ólétt. Þarna fór ég samt að þyngjast mjög hratt. Bætti við mig 10 kg fram að fæðingu (9 vikur), þar af komu 3 heil kg síðustu vikuna. Ég vissi að stór hluti af þessu væri bjúgur því það sást alveg en hélt að ég hefði fitnað líka. 10 dögum eftir að ég fæddi var ég búin að losna við bjúginn og var 17 kg léttari en ég hafði verið þegar ég fæddi og þá 6 kg léttari en þegar ég varð ólétt.
Ég veit ég má vera mjög sátt við þessa niðurstöðu en fyrir utan hollt mataræði og hreyfingu á meðgöngu myndi ég ráðleggja þér eitt - að halda MJÖG fast í holla mataræðið og hreyfinguna eftir að meðgöngunni líkur. Eins vel og ég kom út úr henni þyngdarlega séð þá gerði ég mér ekki grein fyrir hvað brjóstagjafatímabilið getur verið fitandi og slakaði full mikið á mataræðinu líka. Það er ansi freistandi þegar maður er heima í fæðingarorlofi. Strákurinn minn er 10 mánaða og ég fitnaði um 11 kg á þessum mánuðum frá fæðingunni. Fékk vægt áfall þegar ég steig á vigtina eftir langt hlé um daginn og er aftur komin í hollustuna.
Vona að þér gangi vel með þetta.
Heiddís | Takk kærlega fyrir svarið og góð ráð. Ég var frekar lystarlaus á fyrstu 12 v...
Takk kærlega fyrir svarið og góð ráð. Ég var frekar lystarlaus á fyrstu 12 vikunum og léttist því en núna er matarlystin komin aftur og ég er að þyngjast rólega (samt ekki orðin jafn þung og ég var áður en ég varð ólétt). Já - ég ætla bara að reyna að halda mig við þetta holla mataræði sem ég er búin að koma mér upp - ég hef soldið verið að detta í sykurinn (fæ svona cravings) en ég finn að hann gerir mér ekki gott þannig að það er alveg eins gott að sleppa honum. Ég verð áfram á Gluco út meðgönguna - það hjálpar mér líka að hafa stjórn á mataræðinu og ég virðist þola það vel. Og já - ég held ég verði einmitt að passa mig að detta ekki í eitthvað rugl þegar barnið er komið - ábyggilega frekar auðvelt að verða kærulaus þegar maður er bara heima í fæðingarorlofi :)
bussska | Má spurja því sé þú ert taka sama lyf og ég fyrir PCSO (til hjálpa við verða...
