Blæðingarnar hjá mér eru í einhverju rugli hjá mér og ég skil ekki hvað er málið. Tíðahringurinn hefur alltaf verið fínn og ekkert vesen. Ég er 29 ára og hætti á pillunni fyrir um hálfu ári.

Ég var s.s. á venjulegum blæðingum á réttum tíma 15.-18.ágúst.

Svo byrjaði ég á óvenjulegum blæðingum 26.ágúst og þær eru enn. Þetta er samt það lítið að það dugar fyrir mig 1 bindi allan daginn. Þetta er mjög dökkt á litinn (dökkrauðbrúnt einhvern veginn) og það kemur aldrei með pissinu í klósettið, en kemur alltaf þegar ég skeini mér og svo aðeins í bindið á daginn. Fyrstu 5-6 dagana var ég líka með túrverki í bakinu (fæ alltaf svoleiðis á túr).

Hver getur verið ástæðan fyrir þessu? Ég er voða treg að hafa samband við lækni en verð kannski að gera það ef þetta heldur svona áfram.