Mig langar að fá smá álit frá ykkur því ég á það til að gera aðeins of mikið úr hlutunum.
Ég er ekki nema 34 ára og er farin að taka eftir því að ég á oft erfitt með að tala því ég rugla orðum. Stundum er ég í miðri frásögn og þá allt í einu man ég ekki hvað ég ætla að segja eða gleymi hvað hlutir heita. Þetta er farið að há mér í daglegu lífi því ég er farin að einangra mig og á erfitt með að tala við fólk sem ég þekki ekki því ég er stundum eins og hálfviti að reyna að tala og kem engu upp úr mér eða er endalaust að rugla orðum eða segi orðin vitlaust.
Einnig er ég er farin að vera svo gleymin. Ég ætla kanski að fara út með rusli um leið og ég er að fara einhvert út, ég fer með pokann fram á gang og klæði mig í skó en svo labba út án þess að taka ruslapokann með mér.
Ég hef líka gleymt því að ég sé að elda og skilið pott eftir á heitri eldavélarhellu þar til allt vatnið er gufað upp eða maturinn brunnin við í pottinum.
Er einhver sem kannast við að vera svona og hefur fengið einhverja greiningu á þessu? Er þetta eitthvað sem ég á að fara til læknis út af eða ætli þetta sé bara eitthvað sem ekkert er hægt að gera við?
T.M.O | þetta segir ekkert eitt og sér, getur verið álag, síþreyta, allt mögulegt. F...
Ég kannast við svona einkenni og eftir á tengi ég við upphaf migrenis. Það eru flúorljós sem kveikja köst hjá mér og þá er ég verri af gleymsku og þvoglumælgi. Hef verið laus við köst í nokkur ár (forðast flúorljós) og hef skánað mikið. Gangi þér vel, rétt er að leita til læknis til að skoða málið.
Snotrus | Sæl. Ég kannast vel við þessi einkenni. Ég myndi lesa mér til um B-12 skort...
Sæl. Ég kannast vel við þessi einkenni. Ég myndi lesa mér til um B-12 skort og fara í blóðprufu. Ég fer reglulega í B12 sprautu vegna þessa en finnst ég samt gleymin og einmitt rugla, en væri kannski verri ef ég færi ekki í sprautur. Læknirinn sagði þetta bæði vera aldurinn og/eða stress. (ég er 10 árum eldri en þú). Farðu bara til heimilislæknis og segðu honum frá þessu og fáðu að fara í blóðprufu og tékka á þessu m.a.
stjarnaogmani | Oh það var búið að svar því sem ég ætlaði að segja með B12 :-)
Þetta getur verið hvað sem er og meira segja læknir gæti þrátt fyrir fullt af rannsóknum ekki fundið hvað er að nema í besta falli nota útilokunaraðferð á eitthvað eins og heilablóðfall eða framheilaskaða.
Þú þarft ef þú ert ekki að gera neitt sem gæti útskýrt þetta, eins og taka lyf, drekka, nota fíkniefni eða nýhætt að nota slíkt og þetta þá geta tengst fráhvörfum. Þú með vítamínskort sem er mælanlegur eða annað einfalt að mögulega fara i skanna og láta skoða á þér hausakollinn. Mikilvægt að sjá hvort það er allt eðlilegt þar. Svo já auðvitað skelliru þér til læknis og lætur skoða hvað þetta getur verið.
