Ég er búin að vera að taka Pergotime í nokkur skipti eftir að hafa reynt árangurslaust við þriðja krílið í meira en ár. Læknirinn minn lét mig fyrst taka tvöfaldan skammt en núna síðast tók ég þrefaldan. Ég er venjulega mjög regluleg og hef alltaf verið með 27 til 29 daga tíðarhring. Ég átti að byrja á blæðingum 29. feb en enn hefur ekkert gerst. Ég er búin að taka 4 mismunandi prufur sem eru allar neikvæðar og aldrei sést svo mikið sem snefill af línu og ég finn engin einkenni. Svo ég er að velta fyrir mér hvort það geti verið að þessi stóri skammtur af Pergóinu hafi ruglað eitthvað í sýsteminu? Er það samt ekki mjög ólíklegt þegar lyfið á einmitt að tryggja það að maður hafi egglos á ákveðnum tíma og ég hef hingað til verið hundrað prósent regluleg síðan ég byrjaði að taka lyf til að ýta undir frjósemina. Allavegna, býst við að mér langi aðallega til að hafa einhvern til að tala um þetta við. Er farið að liggja ansi þungt á mér hvað þetta gegnur illa sérstaklega þars við eigum 2 ung börn saman og ég átti ekki í neinum vandræðum með að verða ólétt áður. Skv. lækninum mínum finnst engin útskýring á þessu og ég er farin að hafa áhyggjur af því að þetta muni bara ekkert takast hjá mér.

Væri gaman að heyra pælingar/álit einhvers annars ef einhver skilur þessa hringavitleysu :)