PCOS og ekki í yfirþyngd - hvað er til ráða

Ég er ekki í yfirþyngd en ég fer samt aldrei sjálf á blæðingar, var greind með pcos fyrir mörgum árum.

Í mínu tilfelli þá fer ég ekki á blæðingar því ég fæ ekki egglos, og ég hef farið á tvö mismunandi lyf síðastliðin tvö ár, 3 hringi á Letrozole sem er krabbameinslyf og svo 3 hringi á Clomid, til þess að reyna koma af stað egglosi en það hefur ekki virkað. Hef alltaf þurft að fá Primolut sem er er lyf til þess að starta blæðingum áður en ég byrja að taka hin lyfin því maður tekur þau oftast á sirka 3-7 degi tíðahrings.

Ef þú ert að reyna verða ólétt þarftu að tala við kvennsjúkdómalækninn þinn um það og hann setur þig mögulega á eitthvað af þessum frjósemislyfjum, og svo kemur í ljós hvort þau virki eða ekki :)

Kvennsjúkdómarlæknirinn minn gafst eiginlega bara upp og sagði að ég yrði ekki ólétt á neinum frjósemislyfjum og ég þyrfti bara að fara í glasa ef ég ætlaði að verða ólétt. Ég ákvað að fara í rannsóknarvinnu sjálf og fann náttúrutöflur sem heita Vitex og fór að taka þær og ég fór á túr alveg sjálf tveimur vikum seinna :) sem hefur ekki gerst í meira en 2 ár.

Vona að þetta svari einhverju, ef þú hefur einhverjar spurningar máttu senda á mig.

Kvensjúkdómalæknirinn minn einmitt setti mig á metformin til þess að fá hringinn vonandi reglulegann til þess að ég gæti orðið ólétt .. ég semsagt vil verða ólétt og þetta var hans lausn.

Ég er að klára primolut skammt ofaní metforminið núna á næstu dögum, en á svo bara að halda áfram á metformini. Ég hugsa ég minnist á hin tvö lyfin næst þegar ég tala við hann, takk fyrir :)

Hvar keyptir þú Vitex? ég er búin að finna það á netinu, en veit ekkert hvort það sé eitthvað eitt betra en annað .. keyptir þú það í töfluformi eða einhvernegin öðruvísi :)?

Hæhæ,

ég var greind með pcos fyrir um 14 árum. Ég var ekki í yfirþyngd en ofarlega í kjörþyngd og læknirinn sagði einmitt að það gæti hjálpað til að missa kannski 1-2 kg... En annars var ekkert gert annað en að segja mér að ef ég ætlaði að verða ólétt seinna þá gæti ég komið aftur til hans.

Nokkrum árum seinna byrjum við svo að reyna að eiga barn og það tók okkur 1 og hálft ár, maðurinn minn var búinn að fara í rannsókn en ég var á leiðinni í rannsóknir. En þetta tókst hjá okkur áður en til þess kom að fara út í einhvað annað.

Mitt pcos var kannski ekki mjög "alvarlegt" annað en langir og óreglulegir tíðahringir og sársauki þegar að blöðrur voru að springa (sem er auðvitað hræðilegt).

En allavega... fyrir þremur árum síðan breyti ég um mataræði og gerist vegan af siðferðisástæðum. Á fyrsta mánuði tek ég eftir miklum líkamlegum breytingum, krónískir hausverkir farnir, engir magaverkir, bakflæði horfið o.s.frv. Svo þremur mánuðum seinna fatta ég að ég hef ekki fundið blöðru springa í nokkurn tíma og tíðahringurinn minn var orðinn 28 dagar!

Ég fór svo í tékk til kvennsjúkdómalæknis og nefni þetta við hana, hún kíkir og sér engin ummerki um pcos hjá mér... Engin!!

Og þá sagði hún "Já mataræðið hefur svo rosalega mikið að segja í þessu". Það hefði nú alveg verið næs að heyra það fyrir 14 árum... en ok ég veit það allavega núna.

Svo reyndum við að eignast annað barn, og ég varð ólétt í fyrstu tilraun (ég veit að sjálfsögðu að það gæti verið tilviljun, en eftir svona mörg ár með pcos datt mér ekki í hug að það yrði svona auðvelt).

Ég mæli allavega með að prófa í 2-3 mánuði og sjá hvort þú finnur breytingar, gangi þér vel!

Ókei snilld! Ég vissi að mataræðið hefði mikið að segja um þetta, en ímyndaði mér ekki svona mikinn árangur kannski :)

Ég klárlega prufa þetta í nokkra mánuði og athuga hvort ég finni ekki mun á mér!