Góðan daginn. Mig langar að athuga hvort einhver hefði lent í svipuðu, ég fór sem sagt í tæknifrjóvgun 13. okt, fékk jákvætt þungunarpróf 25. okt og fór svo í þungunarsónar núna á mánudaginn en það sást bara fóstursekkur en ekkert fóstur. Hún náttúrulega var mjög fljót að segja að ég væri orðin svo gömul (er 40 ára) að það hefði alveg mátt búast við þessu og nú ætti ég bara að bíða eftir að það færi almennilega að blæða (búið að koma svona smá blóð í pappír og svo brúnleit útferð) og ef það myndi ekki gerast ætti ég að fara niðrá kvennadeild eftir 2 vikur, fá lyf og klára þetta. Svo hringi ég á kvennadeildina og þá segir hún að þær geri ekki neitt strax, að ég eigi að bíða í tvær vikur og koma í skoðun til þeirra af því að það geti alveg verið að það sé eitthvað að gerast en segja mér samt að gera mér ekki upp neinar vonir, ég geti alveg átt von á að það fari að blæða en að ég eigi samt að koma eftir 2 vikur og þá sjá hvort allt sé farið. Hvað á maður að halda, hefur einhver lent í þessu?