Já nú liggur nokkuð ljóst fyrir að aðgerðir ríkissjóðs dempuðu áhrif áfallsins sem þjóðarbúið varð fyrir með nærri nærri algjörri stöðvun ferðamanna til Íslnds. Tugþúsundir launamanna eru á framfærslu ríkisins í gegnum s.k. hlutaótaleið, en sú framfærsla elggst niður eftir rúman mánuð. Það sama á reyndar við fjölda fyrirtækja sem munu loka og hætta rekstri fyrir áramót.
Þetta er stærra áfall en varð við bankahrunið fyrir um 10 árum.

En 500 milljarða skuldsetning ríkisins sem ætluð var til að brúa tímabundið áfall sem myndi jafnvel leysast núna á haustmánuðum stenst ekki því miður. Áfallið er stærra og mun vara lengur.

Í fyrri áföllum fluttu þúsundir Íslendinga tímabundið erlendis aðallega til Norðurlandanna.
Þannig flutingar hafa verið lokaðir undanfarna mánuði vegna smithættu milli landa.
Nú er smuga að opnast og munu eflaust margir Íslendingar flytjast erlendis frekar en að sitja hér heima atvinnulausir. Þetta mun létta á atvinnuleysistryggingarsjóði, en hefur margar aðrar afleiðingar í för með sér. Þessar afleiðingar eru bæði jákvæðar og neikvæðar fyrir ríkisbúskapinn og efnahag Íslendinga sem hér munu búa með eftirköstum Kórónu veirunnar.

Samt er það svo að Ísland hefur mestu möguleika að stnda þessa hríð af sér og margir munu vilja flytjast hingað og byrja nýtt líf.