Sælt veri fólkið,
Ég pissa í sturtu, viðurkenni það hér með í skjóli nafnleyndar, annars er ég ekki mikið fyrir að flagga þessum vana mínum, aðallega vegna þess að sumum finnst það ógeðslegt og mér sjálfri fannst það ógeðsleg tilhugsun fyrir nokkrum árum.
En... einn daginn var ég að tala við nokkra stráka sem allir viðurkenndu fúslega að pissa í sturtu, og eftir að ég fussaði og hneykslaðist á subbuskapnum fór ég að pæla... hvað er svona ógeðslegt við það? Ef maður pissar í byrjun sturtuferðar, áður en sápan fer að freyða, eru allar pissleifar löngu horfnar og vel það. Svo óneitanlega þægilegt að pissa standandi af og til, svo áreynslulaust og notalegt :) Og umhverfisvænt... sparar bæði pappír og klósettvatn.
Ég vil hér með hvetja alla til þess að pissa í sturtu, en nb. muna að pissa í byrjun sturtuferðarinnar! Tek það samt fram að ég mæli ekki með því að pissa í almenningssturtum, eins og í sundlaugum, það er ekkert huggulegt við það að sjá gula tauma leka niður eftir lærunum a öðru fólki. En heima hjá ykkur, látið vaða! Og mig langar endilega að heyra frá fólki sem finnst þetta ógeðslegt og þá afhverju, því eins og ég sagði, þá var ég á sömu skoðun , en svo fann ég bara engin rök fyrri því að þetta væri eitthvað ógeðslegt eða óþrifalegt.