Hef unnið á einni frekar stórri stöð í bráðum 2 ár sem er með mikið af viðskiptavinum á sumrin og bíður upp á skyndibita, bensín og fleira í þeim dúr og einnig nokkuð mikið af starfsfólki og hef verið bara óbreyttur starfsmaður. Núna fyrir sumarið vantar vaktstjóra og ég ákvað að sækja um en var hafnað vegna þess að stöðvastjórinn sagði að ég væri ekki tilbúinn í það verk. Samt kann ég á allt og er núna að þjálfa nýtt fólk sem verður í sumar. Finnst rosalega ósanngjarnt að hafa ekki fengið vaktstjórastöðuna.
Einn sem hefur unnið aðeins styttra en ég og kunnum alveg svipað mikið fékk starfið og ég hef reyndar tekið eftir því að stöðvarstjórinn heldur mikið uppá þann starfsmann og finnst mér oft eins og stöðvastjórinn mismuni fólki. Hann ræður fólk sem hann þekkir sem vaktstjóra og svo eru þeir allan daginn að spjalla og vinna ekki neitt. Kannski brjálað að gera og svo sitja þau bara inná skrifstofu með kaffibolla í rólegheitum. Finnst þetta ekki góð vinnubrögð.
En pælingin hjá mér, er það þess virði launalega séð að vera vaktstjóri, miða við ábyrgðina sem maður hefur? Hvað finnst ykkur?
Ég var einu sinni vaktstjóri, það sást ekki á laununum mínum, það var ekki þess virði.
En sjitt hvað ég kannast við svona yfirmann! Minn gamli var svona, hann réði bara inn félaga sína, þeir voru heillengi í kaffi og gerðu ekkert, þeir fóru aldrei á kassa! Allir félagarnir hans voru vaktstjórar. Þegar þeir voru inn á kaffistofu þrifu þeir aldrei og gengu aldrei frá /vöskuðu upp. Þegar þeir voru ekki inn á kaffistofu voru þeir inn á skrifstofu með lokað. Þó að við sem unnum dingluðum kassabjöllunni 10 sinnum kom enginn. Missti næstum því stjórnina þegar yfirmaðurinn spurði mig hvort ég"væri á túr" þegar ég var að pirra mig út af þessu kaffistofuveseni. Þeir félagarnir eignuðu sér aðfangadag og bönnuðu öðrum að vinna. Verslunin var ógeðsleg, ekki breytt í 3 ár... afþví við sem vorum inn í búð höfðum ekki undan að fylla á. Það var mygla í kælum, óvirkir frystar og pöddur í hillum.. Ég er hissa að þessi búð sé enn í gangi!!! En þessi einstaklingur er hættur.. En óóó hvað ég er fegin að vera farin úr þessari búð!!! Svo er maður alltaf gáfaðastur eftir á, ég hugsa oft, afhverju í andskotanum fór ég ekki upp á skrifstofu og kvartaði!?
Mufasa30 | Þetta er svo ömurlegt þegar komið er svona fram við starfsmenn.
Ég meina það er alveg greinilegt. Tvisvar búinn að sækja um þessa stöðu á tveim árum. En það er að koma nýr stöðvastjóri sem er sagður vera mun jafnari við alla.
muu123 | Mer fanst það ekki þess virði ...
Svo getur lika verið að honum finnist þu...
Án þess að reyna vera leiðinleg - ertu viss um að það sé kannski ekki einhver ástæða fyrir að þú fáir ekki starfið önnur en að hann sé bara að ráða vini sína? Það er nú oft þannig að fólki finnst það eiga margt skilið í lífinu og vera búin að vinna sér það inn. Hins vegar þurfa stjórnendur að taka ákvarðanir á öðrum forsendum en hver hefur unnið lengst. Það þarf að skoða hver hefur hæfileikann í að stjórna, vera með mannaforráð, taka á móti kvörtunum o.fl. Kannski ert þú bara ekki hæfasta manneskjan í starfið.
Ef ég væri þú þá myndi ég óska eftir viðtali og ræða þetta á rólegu nótunum. Láta vita að þig langi í þetta starf og stefnir á það í framtíðinni. Biðja svo yfirmanninn um að fara yfir þína styrkleika og veikleika í starfi og hvað mætti betur fara til að koma til greina næst í starfið. Ef þú ert alveg viss um að það sé verið að ganga framhjá þér á ófaglegan hátt þá myndi ég leita mér að nýju starfi.
Mufasa30 | Á minni vakt er þetta svona.
Ég fer út og týni rusl.
Fylli á sjoppuna.
Af...
Á minni vakt er þetta svona. Ég fer út og týni rusl. Fylli á sjoppuna. Afgreiði. Þjálfa nýja starfsmenn. Fylli á goskælinn. Tek diska og glös úr sal og í uppvask. Afgreiði grillpantanir. Ég er oft einn frammi í afgreiðslu og er að hlaupa milli grillkassa og sjoppukassa.
Á meðan er kannski vaktjórinn að spjalla við stöðvarstjóra og varla búin að lyfta fingri.
Yfirleitt er ég á fullu allan daginn og ég kann á allt.