Daginn hér.

Langar aðeins að forvitnast en nú erum við með rúm þriggja vikna gamalt barn sem er almennt afskaplega órólegt og við foreldrarnir erum gjörsamlega útkeyrð í botn á hverjum einasta sólarhring.

Það koma þó góðir tímar á milli og eru þeir yfirleitt fyrri part dags þ.a.e.s. ef barnið sofnar.

Höfum lesið ansi mikið til um á netinu síðustu daga og er engu nær varðandi mataræði og þetta ástand.

Það er eiginlega þannig að helmingur segir að hinn og þessi matur þarf að taka út eða passa en hinn helmingurinn segir að það skiptir engu máli og erfitt að mynda sér skoðun. Nú er móðirinn búin að taka svo mikið út að mjög lítið er eftir til að nærast og hún nærist trúlega alls ekki vel. Er til einhverstaðar uppskrift af góðu mataræði á meðan hún er með barn á brjósti?

Brjóstagjöfin virðist ganga vel og í fljótubragði virðist ekkert vera óeðlilegt þar að sjá. Hins vegar höfum við tekið eftir þessu "silent reflux" hjá barninu, gúlpast stundum upp í hálsinn og barnið kyngir því en finnur mjög mikið til. Þegar það gerist þá öskrar hún úr sér lungun. Við þessu höfum við verið að gefa barninu lyf sem heitir Zantac og barnið hatar að kyngja því lyfi en það tekst oftast. Lyfið hjálpar eitthvað en stundum ekkert.

Erfitt að láta barnið ropa, stundum gengur það bara ekkert. Barnið er stundum með mikla verki í maganum og heyrist vel svona "loft hljóð" - "garnagaul". en við þessu erum við að gefa miniform dropa 3 tíma fresti fyrir hverja gjöf. Hjálpar voða lítð og höfum prufað windy líka. Prufað t.d. nuddað magann, prufað að láta barnið hlusta á tónlist eða suð (white noise). Setja undir dýnu þannig að höfuð er hærra upp. Vefja í teppi og rugga, vill alls ekki vera í barnavagni, vont að hossa því þar sem það ýtir undir bakflæði. Prufað að gefa lítið í einu og láta barnið ropa en verður bara pirrað og tekst oftast ekki.
Sofnar oftast á brjóstinu, en ef verkir eru í maganum þá vill það bara vera á brjósti og höfum stundum þurft að hafa barnið á brjóstinu í einhverja klukkustundir en erum að reyna að passa það núna að gera það ekki.

Hægðir eru yfirleitt grænar að lit og slímkendar, langt síðan að við höfum séð þennan gula lit með hvítum kornum.

Við erum búin að vera ítrekað í sambandi við lækna og ljósmæður og segja þau öll að þetta sé bara eðlilegt ferli, en okkur finnst þetta samt extreme mikið og óvenjulegt, en hvað vitum við með fyrsta barn, orðið þannig að okkur finnst orðið vandræðalegt að hringja eftir hjálp þar sem ekkert kemur út úr því.

Spurning dagsins: Hvað ætti móðirnn að borða og hvað ætti hún ekki að borða?
Spurning dagsins: Einhver fleiri góð ráð til að róa "brjálað" barn?
Spurning dagsins: Ef mamman nærist ílla, gæti það gert barnið órólegt?

Góðar stundir öll.