í dag eru s.s. 2 vikur síðan ég fékk blússandi jákvætt þungunarpróf, algjörlega óplönuð þungun þar sem ég á tvö lítil börn. Þar sem ég fór síðast á blæðingar 31. júlí að þá hafði ég samband við kvensjúkdómalæknirinn minn og kom í skoðun mánudaginn eftir, fékk jákvætt á fimmtudeginum. Þar sá hún tóman fóstursekk og engan nestispoka né neitt þannig að hún bað mig um að koma viku seinna sem ég gerði. Það var núna á mánudaginn fyrir 3 dögum, þar var sama saga ennþá tómur sekkur. Hún sagðist frekar viss um að þetta myndi ekki verða að neinu, kallaðist blighted ovum. Hún vildi samt senda mig niður á kvennadeild þar sem hún var að fara erlendis og fá þetta staðfest. Fór í morgun 3 dögum seinna og þar var sekkurinn búinn að stækka enn meira alveg eins og um eðlilega þungun væri að ræða og hann sagðist sjá eitthvað í sekknum en var ekki viss hvort hann sæi nestispoka, fósturpoll eða bæði. Nú á ég að koma eftir enn aðra viku í skoðun niður á kvennadeild og hann sagði að þá myndum við sjá hvort um eðlilega þungun sé að ræða.
Ég var s.s. alveg viðbúin að fá töflur í dag en hann vildi ekkert gera þar sem hann sagðist sjá eitthvað. Sekkurinn mældist 6v5d og miðað við þann tíma ætti nú að sjást meira myndi ég halda.
Einhver með reynslusögur? Er alveg að bilast á biðinni, verða komnar næstum 4 vikur næsta fimmtudag og engin almennileg svör :(
Svona miðað við aðég fékk alveg gapandi svartar línur fyrir tveimur vikum getur bara ekki verið að ég sé komin styttra en 6 vikur.