Mér finnst peningar ekki skipta máli í þessu heldur börnin sem þurfa á fósturforeldrum að halda. Börn eru ekki sett í fóstur til að uppfylla þarfir fólks til að fóstra börn. Fósturforeldrar þurfa í mörgum tilfellum að vera meira til staðar fyrir fósturbörn sín en "venjulegir" foreldrar þar sem börnum er yfirleitt komið í fóstur vegna einhverra vandamála á heimili þeirra. Ef fósturforeldrið getur ekki séð um sig sjálft getur það varla séð um barn. Jafnvel þó fatlaður einstaklingur, Freyja í þessu tilfelli, fengi að gerast fósturforeldri yrði hún alltaf að treysta á starfsfólk sitt til að sjá um barnið. Það væru alltaf ný og ný andlit, ókunnugt fólk sem væri að sjá um barnið. Mér finnst það mun ósanngjarnara gagnvart börnunum ef þau væru látin í fóstur við slíkar aðstæður en það að hún fái ekki að taka að sér fósturbörn.
Réttindi fatlaðra og réttur þeirra til þess að lifa venjulegu lífi og taka þátt í lífinu skiptir öllu máli og peningar eiga ekki að skipta máli þar en sumt er bara þannig að það hentar ekki öllum. Það er líka fullt af ófötluðu fólki sem af ýmsum ástæðum uppfylla ekki þær kröfur sem eru gerðar til fósturforeldra.
sjomadurinn | Ég á við þá peninga og mannafla sem fara í sýndarmálsmeðferð fyrir dómi - af...
Ég á við þá peninga og mannafla sem fara í sýndarmálsmeðferð fyrir dómi - af því að þessi ágæta manneskja vill ekki sætta sig við augljósa - já ég segi augljósa ástæðu fyrir því að hún getir ekki verið fósturforeldri.
Myken | sumir lítia á það að fá barn sem réttindi sem allir eiga að hafa. Eina er að...
Málið virðist vera prófmál. Líklega verið að láta reyna á einhver lög og reglugerðir - möguleika fatlaðra á að gerast fósturforeldrar. Ekkert víst að Freyja treysti sér til að vera fósturforeldri en býður sig fram til að skera úr um málið - segi svona - veit ekkert um þetta.
Hulda32 | Það kemur sjaldnast inn nýr og nýr pabbi oft á sólarhring. Þar fyrir utan e...
Það kemur sjaldnast inn nýr og nýr pabbi oft á sólarhring. Þar fyrir utan er það þá yfirleitt móðirin sem sér um barnið og þarfir þess en þarna væri barnið svipað sett og ef það væri inni á stofnun. Þeir sem eiga börn vita líka að það gefst oft enginn tími til umhugsunar um hvað á að gera, stundum þarf að taka ákvarðanir samstundis, stundum þarf að hlaupa á eftir börnunum, taka utan um þau og knúsa, hugga og fleira. Það virkar kannski ekki eins eðlilega ef einhver þarf að stoppa til að spyrja hvað eigi að gera. Börn eru yfirleitt á mikilli ferð og flugi og erfitt að fylgjast með því hvar þau eru og hvað þau eru að gera. Hreyfihamlaður einstaklingur sem þarf aðstoð við að snúa sér við getur engan veginn fylgst með ferðum barns. Oft fylgja ýmis agavandamál með fósturbörnum, þau hafa verið rifin frá fjölskyldum sínum og komið fyrir hjá ókunnugum í ókunnugu umhverfi og þá þarf að vera við öllu búinn. Jafnvel þó að starfsfólk Freyju í dag væri tilbúið að taka á sig þessa auknu ábyrgð þá veit ég af reynslu að það geta verið mjög ör mannaskipti í störfum aðstoðarfólks fatlaðra, enda er það mjög krefjandi starf þó ekki bætist við barn. Ég get bara engan veginn séð hvernig þetta gæti verið gott hlutskipti fyrir barnið, sama hversu mikla aðstoð Freyja fær.