Mig langar voðalega að skipta um starfsgrein svona á "gamals aldri" og er mjög spennt að læra grafíska hönnun. Eina námið sem virðist höfða til mín er í Listaháskólanum og ég var að fara í gegn um umsóknirnar og þar stendur að það verði að skila inn möppu, en ekkert tiltekið hvað á að vera í henni. Hvað á ég að setja í þessa möppu?
Er einhver grafískur hönnuður sem að getur leitt mig aðeins áfram hvernig ég ber mig að?
Helvítis | Þú skalt íhuga að skipta frekar yfir í eitthvað annað en grafíska hönnun "á ...
Þú skalt íhuga að skipta frekar yfir í eitthvað annað en grafíska hönnun "á gamals aldri", það er mjög ólíklegt að þú fáir starf við það "á gamals aldri".
Ef hún kemst inn í Listaháskólann eins og hún er að spá í og klárar námið þar þá fær hún alveg djobb, sama á hvaða aldri hún er. Eða það ætla ég rétt að vona, annars er eitthvað mikið að í samfélaginu.
-----
Steinunnjons | hæ, ef þú vilt læra grafíska hönnun þá er LHÍ langbesti kosturinn
á vefsíð...
hæ, ef þú vilt læra grafíska hönnun þá er LHÍ langbesti kosturinn
á vefsíðu LHÍ stendur
Mappan Umsækjendur í hönnunar og arkitektúrdeild skulu safna sýnishornum af verkum sínum saman í möppu (portfólíó), í PAPPÍRSFORMI, sem þeir leggja fram með formlegri umsókn. Þ.m.t. sýnishorn úr hreyfimyndum; til að sýna slík verk á að gera „storyboard“ með „still“-myndum úr verkinu og setja verkið með á rafrænu eða vísa á það. Það er ekki leyfilegt að skila aðeins rafrænni möppu. Ekki er tekið við geisladiskum, minniskubbum né er hægt að vísa í heimasíður, nema sem ítarefni. Verkin eiga að endurspegla persónuleika nemandans, varpa ljósi á helstu hugðarefni hans og úr þeim á að vera hægt að lesa hvaða hæfileika hann hefur til frumlegrar sköpunar og framsetningar á hugmyndum sínum. Ekki er nauðsynlegt að öll verkin séu fullgerð eða þau útfærð til hins ítrasta. Þvert á móti er mikilvægt að þar sé einnig að finna hvers konar skissur og teikningar, ljósmyndir, texta og jafnvel hljóðverk. Í raun rúmast allt innan möppunnar sem að mati nemandans sjálfs getur með einum eða öðrum hætti lýst því sem hann vill ná fram með vinnu sinni á viðkomandi sviði og getur vitnað til um hvort hann hefur hæfileika til að koma því á framfæri við aðra.
Umsækjandi sem sækir um skólavist við fleiri en eina námsbraut innan deildarinnar skal leggja fram möppu með hverri umsókn (þ.e. sérstök mappa þarf að fylgja hverri umsókn). Möppur skulu vera nafnlausar (þær fá umsóknarnúmer í móttöku).
Ég myndi vera viss um að þetta sé starfsumhverfi sem þér hugnast, hvernig þú kemst að því veit ég þó ekki. En það eru margir sem hafa áhuga á náminu og faginu sem slíku, en líkar svo ekki starfið.
Gangi þér vel!
leigubílstjóri dauðans | Þú setur eitthvað sem þú hefur gert, eitthvað skapandi: teikningar, ljósmynd...
Þú setur eitthvað sem þú hefur gert, eitthvað skapandi: teikningar, ljósmyndir, eitthvað sem þú hefur unnið í mydnvinnnsluforritum eða teikniforritum, bara eitthvað sem sýnir hæfileika þína og að þú eigir erindi í námið.