Sælar,

Langaði aðeins að fotvitnast hér inni, þar sem það er ekki mikið talað um kynfæraáblástur almennt, þó ég þekki vissulega nokkrar.

Þið sem eruð með kynfæraáblástur, hvernig er þetta að hafa áhrif á ykkar daglega líf? eruð þið að fá oft outbreaks og er þetta eitthvað sem þið eruð mikið að pæla í? Er eitthvað sem ykkur finnst hjálpa við að halda þessu niðri?

Ég greindist fyrir 6 árum og í byrjun var þetta mjög slæmt, ítrekaðar endursýkingar og mikil vanlíðan (sérstaklega á sálinni). Í dag er ég ennþá að fá þetta annað slagið en mér finnst ég aldrei geta verið viss, ef það er eitthvað "öðruvísi" þarna niðri þá held ég alltaf að þetta sé þetta, þó að það sé ekkert alltaf raunin. Er á valtex og tek eina á dag og hef gert í langan tíma, það stoppar samt ekki að þetta sé að gerast. Það hafa komið tímabil þar sem ég finn ekkert fyrir þessu og mér er sagt að þetta eigi að eldast af fólki en ég er engan veginn að upplifa það, þetta er eitthvað sem ég hugsa mikið um og hef áhyggjur af. Stundum líður mér eins og ég muni aldrei finna maka og eignast börn, bara útaf þessu.

Auðvitað er þetta ekkert til að skammast sín fyrir en ég ræð ekki við það að finnast ég "annars flokks" þó að ég sé það ekki - þá sérstaklega þegar kemur að tilhugalífinu, finnst erfitt að eiga þetta samtal því maður er auðvitað hræddur við höfnun og að viðkomandi bakki alveg út. Þetta er auðvitað bara eins og hver annar sjúkdómur en það er þessi stimpill á honum. Sumir segja að ef að manneskja bakkar út útaf þessu að þá er hún ekki rétt fyrir mann/þess virði - ég veit ekki með það, auðvitað verður hver og einn að ákveða það fyrir sig.