Hvernig get ég fundið lögfræðing sem sérhæfir sig í að rannsaka misnotkun á barni? Málið var látið niður falla, orð gegn orði. Þetta er ekki rannsakað nógu vel finnst mér. Gerandinn lifir fínu lífi á meðan fórnarlambið er ónýtt. Vil taka upp málið aftur - hver er góður lögfræðingur?! Endilega ef þið vitið um einhvern sem tekur svona mál að sér látið mig vita.
ert | Þú ert í vanda þarna.
Málið sem var látið niður falla var opinbert mál....
Málið sem var látið niður falla var opinbert mál. Barnið getur aðeins höfðað einkamál. Lögmaður kostar svona 25 þús á tímann fyrir vsk. Mögulega væri hægt að gjafsókn. Það er enginn sérstakur lögmaður í því að fara í einkamál vegna kynferðisbrota. Slíkt hefur mjög sjaldan verið gert. Það eins tveir lögmenn hafa mér vitanlega gert slíkt og annar er ekki starfandi vegna mikilla veikinda. Hinn sem er starfandi er Sigrún Jóhannsdóttir.
--------------------------
Sel og leigi heykvíslir og kyndla, veiti einnig ráðgjöf um brennur og grýtingar.
Hámark2017 | Svo ósanngjarnt að fórnarlamb sé skemmt fyrir lífstíð á meðan gerandi gengur...
Svo ósanngjarnt að fórnarlamb sé skemmt fyrir lífstíð á meðan gerandi gengur laus í nær öllum tilvikum. Réttarkerfið er rotið. Veit ekki hvernig ég get hjálpað. Lögfræðingar ættu að vera meira augljósir, gæfi hvað sem er fyrir réttu hjálpina. Takk 'ert' fyrir upplýsingarnar. Vonandi fer þessi umræða lengra, stuðningur er kraftmikill.
Geiri85 | Því miður eru þessi mál þess eðlis að það er erfitt að sanna sekt og það er ...
Því miður eru þessi mál þess eðlis að það er erfitt að sanna sekt og það er auðvitað ekki hægt að slaka á sönnunarbirði til að "ná fleirum". Hvað nákvæmlega finnst þér þeir hafa sleppt við rannsókn málsins sem hefði átt að gera? Ef við erum að tala um annað mál þar sem það verður orð gegn orði þá er það náttúrulega líklegt til þess að enda með sömu niðurstöðu.
Hámark2017 | Einmitt þetta orð gegn orði. Börn ættu að eiga lágmarks mannréttindi, að þei...
Einmitt þetta orð gegn orði. Börn ættu að eiga lágmarks mannréttindi, að þeim sé trúað. Svo væri hægt að vinna út frá því. Gerandi fær enga skömm fyrir en fórnalömbin bera skömmina, hræðsluna, með sjálfsmynd sína í molum ásamt svo ótrúlega mörgum öðrum þáttum. Hefur einhver svipaða sögu sem er í svona sporum? Hverjir rannsaka mál fyrir hönd barna?
bfsig | Finnst eins og þú sért ekki alveg að fatta þetta lágmarks mannréttindi og or...
Finnst eins og þú sért ekki alveg að fatta þetta lágmarks mannréttindi og orð á móti orði. Það á enginn einn meiri rétt en annar á að vera trúað. Annars held ég að ef barn er staðfast í sínum framburði þá vegi það þyngra en fullorðins í svona tilvikum.
Geiri85 | Einn helsti gallinn við börn er að það er alltaf einhver fullorðinn á bak vi...
Einn helsti gallinn við börn er að það er alltaf einhver fullorðinn á bak við þau. Þau eru kannski ekki líkleg til þess að ljúga á beinan hátt en þau eru hinsvegar líklegri til þess að trúa lygi ef haldið er að þeim áróðri og þá sérstaklega af foreldri. Við sjáum þetta t.d. bara oft í skilnaðarmálum hvernig hitt foreldrið verður allt í einu djöfull í mannsmynd.
Geiri85 | Ef allar ásakanir væru réttar þá væri auðvitað bara hægt að dæma menn í hver...
Ef allar ásakanir væru réttar þá væri auðvitað bara hægt að dæma menn í hvert skipti sem einhver bendir fingrinum en við búum bara ekki í slíkum heimi. Ein helstu mannréttindin eru að vera ekki sviptur frelsi af hinu opinbera nema búið sé að sýna fram á sekt. Vitnisburður er dæmi um frekar veik og óáreiðanleg sönnunargögn (þó að viðkomandi þykir trúverðugur). Það sem maður vill sjá er annarskonar og hörð sönnungargögn sem styðja við vitnisburðinn.
Þú talar eins og það sé bara hægt að gefa sér það frá upphafi að meintur gerandi sé gerandi. Stundum er það nú þannig að meintur gerandi er hið raunverulega fórnarlamb og einmitt þess vegna er ekki hægt að gefa afslátt af sönnunarbirði.