Góðan daginn. Ég er búinn að vera með gleraugu í bráðum fimm ár og ég hata þau. Ég hata hvað maður er stanslaust að þrífa þau en samt eru þau alltaf óhrein, ég hata hvernig maður er alltaf að gleyma þeim og alveg sérstaklega þegar það hentar afar illa og svo hata ég alveg innilega hvað maður alltaf að týna þessu og eyðir heilu klukkustundunum í að leita að þessu. Mér finnst eins og bróðurparturinn af mínu lífi fari í umhirðu og vesen tengt þessum blessuðu gleraugum og ég hef fyrir löngu fengið nóg! Ég hef því tekið þá ákvörðun að fara í laseraðgerð á augum og þar er kominn kjarni málsins, og ástæða þess að ég leita hingað. Eftir um 2 mín rannsóknarvinnu hef ég komist að því að hér á landi eru amk. tveir aðilar að bjóða þessa þjónustu, annars vegar Sjónlag og hins vegar Augljós. Auk þess eru nokkrar mismunandi aðgerðir/meðferðir sem verið er að bjóða upp á, þ.e. TransPRK, LASIK og Presbymax. Ég er sum sé að velta fyrir mér hvort einhver hérna þekki til í þessum efnum, hvorum aðilanum mælið þið með og hvort eitthvað sé um að ræða að ein tegund aðgerðar sé betri en önnur, eða eru þær kannski mismunandi og henta hverjum og einum mismunandi vel?