Góðan dag.

Þessi jól verða mín fyrstu sem ég verð ekki á Íslandi, og mig langar mikið til að útbúa eins Íslenskan jólamat og ég hugsanlega get.

Ég bý á Spáni og er að reyna að finna eitthvað svipað hamborgarahrygg hér og ætla að brúna kartöflur og svona með honum.

En það sem mig langar helst að prófa, er að gera mín eigin laufabrauð.
Ég hef verið að skoða uppskriftir á netinu og þar er sagt að maður þurfi að steikja þau upp úr palmín feiti eða steikarfeiti sem ég hef ekki hugmynd um hvað er... og hvað þá á Spáni. Er ekki hægt að steikja þau upp úr olíu? Hefur einhver hér búið á Spáni og keypt feiti og gæti mögulega leiðbeint mér?

Einnig langar mig að vita hvort það sé ekki í lagi að nota venjulegt salt í staðin fyrir hjartarsalt, er ekki alveg á því hvað það er heldur.

Kærar fyrirfram þakkir