Magakveisubarn

Mjólkin minnkaði oft í mér seinni partinn en ég hélt að ég hefði nóg en þau orguðu af hungri.  Eftir að ég fór að gefa þeim þunnan rísmjölsgraut með skeið breyttist allt til batnaðar.  Ég veit ekki hvernig tískan er í dag en þetta ráð kom frá mömmu minni.  Þegar ég var með lítil börn áttu þau að vera eingöngu á brjósti fyrstu 6 mánuðina.  

Uff þetta er svo erfitt Ef þú ert með hann á brjósti myndi ég skoða hvað þu værir að borða. Eitthvað sem hann þolir ekki? Svo er spurning hvort þú ættir að gefa honum þurrmjólk í pela seinnipartinn. Mjólkin gæti verið minni hjá þér í lok dags. Fór að gefa ábót í pela snemma því hún var alltaf að Vakna eftir smá stund og þá grátandi

Minn fékk einmitt "kveisuna" líka og eftir að prófa að gefa honum graut, ég mæli með svona 1-2 tsk af hafragraut fyrir börn, ég keypti alltaf grautinn frá semper, þá prófaði ég að gefa honum minifom dropa sem virkuðu ágætlega. Ég mæli með að prófa þá, þó að þeir séu rándýrir þá getur vel verið að þeir geri gæfumuninn ef grauturinn er ekki að virka fyrir ykkur

Ég myndi passa mig á svörunum sem eru komin. 2 mánaða barn á ekki að fá graut og mun ekki sofa betur ef það fær grautinn, það gæti hins vegar fengið illt í magann af því af því að líkaminn kann ekki að melta matinn. Ef barnið er á brjósti þá myndi ég leggja það á brjóst eins og það vill. Mjólkin minnkar ekki á kvöldin, hún er hins vegar þykkari og því þarf kannski barnið að hafa meira fyrir henni og vill jafnvel liggja oftar á brjóstinu, það er ekkert óeðlilegt við það. Svo er bara að reyna að anda sig í gegnum þennan erfiða tíma og reyna að muna að þetta mun lagast og reyna að fá aðstoð með barnið ef þú getur.

Ég á einn sem var svona, hann fékk svo í magnann af vítamíndropunum. Var lengi að fatta að þetta væri þeim að kenna. Þegar ég hætti að gefa honum þá þá hætti þetta. Ert þú byrjuð að gefa honum vítamíndropa?