Já er nokkur efins lengur um að nauðsyn sé að við Íslendingar séum sem mest sjálfbjarga með helstu nauðsynar eins og matvæli, orku og aðrar daglegar nauðsynjar. Það er ekki langt síðan að sumir stjórmálaflokkar eða stjórnmálamenn töldu að það væri t.d. ódýrast og best að flytja inn allar landbúnaðarvörur. Já jafnvel mjólk, osta og flestar kjötafurðir væri heppilegast að flytja inn frá ESB löndum. Öll kornrækt og skógrækt var talin vonlaus hérlendis. Allt hefur þetta breyst og vonandi sjá nú flestir nauðsyn þess að við höfum hér öryggissjónarmið og annað með í myndinni.
:Það er kannski réttara að kalla þetta fæðuöryggi ? Fæðuöryggi er orð sem er notað til að lýsa því t.d. að þjóðir hafi nóga fæðu til að komast af. Matvælaöryggi er líka notað um að eftirlit sé með matvælum að þau séu holl og góð til neyslu. Fæðuöryggi er klárlega eitt af því sem við Íslendingar þurfum að huga að. Það hafa sumir haldið því fram að það verði alltaf hægt að flytja inn matvæli hvernig sem mál þróast í heiminum. Við sjáum það berlega núna að það er ekkert gefið að nauðsynjar sem við erum vön að flytja inn séu alltaf fáanlegar, öðru nær.