Ég á íbúð í Reykjavík í litlu fjölbýli. Það eru 4 íbúðir og sameiginlegur inngangur. Þegar ég keypti íbúðina fyrir nokkrum árum var mér sagt að einn íbúinn/eigandinn væri sjúklingur og væri að bíða eftir plássi á viðeigandi stofnun og þessi nágranni staðfesti það þegar ég hitti hann fyrst (tilkynnti mér það í óspurðum fréttum). Nú eru liðin nokkur ár og ekkert hefur gerst. Þessi manneskja er löngu hætt að þrífa í kringum sig (löngu áður en ég kaupi) og það er hræðilegt að sjá það sem maður þó sér inn um gluggana (sést ekki mikið fyrir skít og drasli). Það eru mörg ár síðan kominn var tími á viðhald í sameign en það vill enginn fara í framkvæmdir fyrr en mál þessa nágranna hafa verið leyst, hreinlega vegna hættu á að það verði til einskins vegna þess sem er að gerast í íbúðinni. Tek það fram að ég held að allir eigendur eigi góð samskipti við þennan nágranna enda ekki hans vandamál heldur kerfisins en fólk hefur auðvitað áhyggjur af ástandinu og hvaða áhrif það muni hafa á t.d verðgildi eigna þeirra og ástand. Því langar mig að athuga hvort einhver hafi lent í svona og hvort og þá hvert er hægt að tilkynna svona til. Heilbrigðiseftirlitið? Reykjavíkurborg (og þá hvaða svið)? Annað?
_____________________________________
Varúð yxna feminísk belja á ferð
ísbjarnamma | Ég man eftir tilfelli þar sem kona sem bjó á Hverfisgötunni safnaði rusli ko...
Ég man eftir tilfelli þar sem kona sem bjó á Hverfisgötunni safnaði rusli komst í fréttirnar, þar sem yfirvöld hreinsuðu út úr íbúðinni þurftu sérstaka galla til að geta verið inní íbúðini, ég man ekki hvaða stofnun fór í málið, enn maðurinn sem bjó á efri hæðinni var margbúinn að tilkynna konuna,sennilega Heilbrigðiseftirlitið
ert | Fólk hefur haft samband við félagsþjónustuna í svona tilfellum. Það er oft t...
Fólk hefur haft samband við félagsþjónustuna í svona tilfellum. Það er oft takmarkað hvað hún getur gert en í þessu tilfelli gæti félagsráðgjafi mögulega ýtt á eftir nýju mati eða forgangi með leyfi viðkomandi.
--------------------------
Sel og leigi heykvíslir og kyndla, veiti einnig ráðgjöf um brennur og grýtingar.