Sjúkdómatrygging - nauðsyn eða peningaplokk?

Fer allt eftir tryggingunni sem þú ert með. Ef þú tókst hana ung þá er hún eflaust góð.


Ekki hætta bara með trygginguna af því að einhver sagði eitthvað um eitthvað án þess að hafa hugmynd um þitt tilfelli.


Ég sé eftir að hafa sagt upp minni því ég fæ ekki lengur svona tryggingu og ekki líftryggingu eða neitt.

http://i.imgur.com/mVrNx4L.jpg

Vinur hans pabba var sjálfstætt starfandi og var með allar tryggingar. Síðan gerist það að hann fær hjartaáfall, á auðvitað enga veikindadaga eða neitt slíkt, og sækir í tryggingarnar sínar. Allt í lagi, það er borgað - en það sem tryggingafélagið gerir í kjölfarið er að það heimtar að fá að borga hann út. Hann vildi það ekki, en virtist ekki hafa neitt val. Síðan fékk hann hvergi að sjúkdómstryggja sig eftir það.


Þannig að ágætt fram að fyrsta áfalli / notkun - ömurlegt eftir það.

Þær eru mjög mismunandi þessar trygingar. Ég var með eina þar sem ég hefði fengið x summu fyrir það að greinast með ákveðna sjúkdóma og lifa það af í 30 daga (minnir að slys hafi ekki verið í því) og svo var ég með aðra þar sem að voru bæið slys og sjúkdómar sem var til að tryggja mér framfærslu ef ég yrði óvinnufær, sú trygging hefði borgað mér x á mánuði mínus 4 vikur á ári frá slysi/sjúkdómi til dauðadags. En ekki bætt neitt sem kæmi uppá kæmi eftir það.


Ekki það að ég hef ekki skoðað hvort að mín óvinnufærni hefði verið dekkuð af þessum tryggingum.


Mér þykir verst að börnin mín eru bara tryggð til hálfs þar sem að bara annað foreldrið er með líf og sjúkdómatryggingar.

http://i.imgur.com/mVrNx4L.jpg

Allianz er líklega best upp á þetta að gera. Skilst það séu að koma nýjar líf-og sjúkdóma þar í haust.

Ég skipti um tryggingafélag fyrir 2 árum síðan, þannig að tryggingin er tiltölulega ný. Ég er einmitt að reyna að kynna mér allt sem ég þarf að vita áður en ég segi henni upp.

Maður er ekki að færa þessar tryggingar fram og til baka. Það er bara rugl

*-*-*-*-*-*-*-*-*-*-*-*-*-*-*-*-
Í dag er dagurinn í dag og á morgun kemur annar dagur

Hvers vegna? Missir maður eitthvað við að flytja sig á milli félaga? Ég hef verið að lesa mér eins vel til og ég get, en finn mjög lítið um þetta.

Já, því eldri sem þú ert þegar þú byrjar trygginguna því verri verður hún og hærri iðgjöld.

http://i.imgur.com/mVrNx4L.jpg

Nei þú missir ekkert en nýja tryggingafélagið þarf að meta þig. Eina sem þú þarft að passa er að ca fyrstu 3 mánuðina hjá nýja tryggingafélaginu færð þú ekkert bætt. Vinkona mín gerði þetta og veiktist akkúratt af alvarlegum nýrnasjúkdómi á þessum þremur mánuðum. Hún hefði átt að vera með trygginguna hjá gamla félaginu þessa þrjá mánuði og segja þeim svo upp. Bara ef maður vill vera skotheldur. Ég var með þetta hjá Okkar og hef ekkert nema gott um þá að segja með útgreiðsluna og allt.

Nákvæmlega. Ég fékk mér líftryggingu þegar ég var ung og hraust og hafði ekki veikst alvarlega. Því miður voru sjúkdómatryggingar ekki orðnar almennar þá þannig að ég fékk mér bara líftryggingu og það á bara nokkuð góðum díl. Ég hef síðan skipt um tryggingafélag mörgu sinnum en aldrei hreyft við þessari tryggingu - einfaldlega vegna þess að ég myndi aldrei nokkurn tímann fá svona "góða" tryggingu hjá öðru tryggingarfélagi í dag með mína sögu - fengi sjálfsagt enga.

_____________________________________
Varúð yxna feminísk belja á ferð

Tryggingafélögin gera allt sem þau geta til að sleppa við að borga - veit samt ekkert um það hvort þetta sé sniðugt eða ekki. 

Hef ekki heyrt af neinum sem hefur ekki fengið sína tryggingu greidda út.
Þekki þrjú dæmi nálægt mér, tvær tegundir krabbameins og svo ms. Ekkert vandamál með greiðslu.

Ég þori ekk að segja minni upp amk.

Ekki sammála. Við hjónin höfum bæði fengið þessa tryggingu greidda vegna sjúkdóma og gekk áfallalaust fyrir sig. Sendum bara inn tilkynningu og svo fengu þau upplýsingar frá læknunum. Voru nokkur ár á milli okkar sjúkdóma. Dreifanleg krabbamein eru inni í skilmálunum og það fá mjög margir krabbamein. Mitt hafði ekki dreift sér en það hefði getað gert það og þá eru þau inni. Það er í öllum skilmálunum og eru einhverjir alþjóðlegir staðlar sem að segja til um það. En ég vildi óska að við hefðum aldrei þurft að nota þessar tryggingar en fyrst að það fór eins og fór þá var það nú gott að vera með þær.

ég myndi segja peningaplokk, við borguðum þetta í nokkur ár, ég þurfti að borga því ég reykti og maðurinn minn þurfti að borga meira útaf ofþyngd, þetta voru áhættuþættir, en svo komst ég að því að ef við myndum fá sjúkdóma sem væri mögulega hægt að rekja til þessa atriða þá fengjum við ekki neitt þannig að ég hætti að borga þetta, tryggingarfélögin eru svo ósvífin, þau reyna allt til að þurfa ekki að borga rass og eru mjög dugleg við að fela það vel í smá letrinu

Er ekki með og hef aldrei verið með.

peningaplokk.
Ég er með vefjagigt, er með ónýtt bak og orðin öryrki. En samt fékk ég ekki krónu út úr trygginguni. Þannig að ég sagði henni upp

Ef þú lest skilmálana þá falla þín veikindi ekki undir trygginguna.
En þú hefðir verið tryggð áfram fyrir ýmsu öðru.
Ef tr félögin ættu að fara að greiða bætur vegna vefjagigtar, þá gerðu þau lítið annað.

Ég veit um fólk þar sem þetta gerði gæfumuninn. Það var ekki bara það að annar aðilinn gat ekki unnið lengur heldur þurfti makinn að minnka við sig vinnu um tíma til að sinna börnum og heimili. Það hefði gert út af við þau fjárhagslega ef að þessi trygging hefði ekki verið greidd út. 

---Komdu fram við aðra eins og þú vilt að aðrir komi fram við þig---

Ég þekki eina sem fékk brjóstakrabbamein. Ári áður hafði hún bætt við auka tryggingu inn í sjúkdómatrygginguna (man ekki alveg hvað það heitir).
Hún er einstæð móðir með 3 börn og taldi sig þurfa að vera vel tryggða.
Hún fékk allar þær bætur sem hún var tryggð fyrir. Það gerði gæfu munin í hennar veikindum sem stóðu yfir í rúmt ár ásamt svo uppbyggingu á brjóstinu sem fór fram nokkru síðar.
Hún hrapaði því aldrei í launum og gat haldið fjölskyldunni á réttu róli í gegnum allt ferlið.

Best er bara að skoða pakkan sem maður er að kaupa og lesa smáaletrið vel og vandlega. Kaupa aukatryggingu ef þarf.
Það er allavega mitt álit hafandi átt veikan pabba sem var ótryggður á þeim tíma. En það hefði gert lífið mun bærilegra ef svo hefði verið.

Var búinn að vera með tryggingu í mörg ár þegar ég greindist með taugasjúkdóm, sendi umsókn til tryggingarfélagsins, innan mánaðar fékk ég væna summu inn á reikninginn minn. Það kom sér vel því ég þurfti að hætta í vinnunni minni. Mæli með þessu.

Smá bæði ... Ef þú tryggir þig ungur og hraustur og færð tryggingu á lægsta iðgjaldinu þá getur þetta verið mjög góð trygging. Ef það eru alvarlegir sjúkdómar í fjölskyldunni, þú reykir, ert of þungur, hefur áður fengið alvarlegan sjúkdóm, ert í áhættu með eitthvað - þá annað hvort færðu ekki þessar tryggingar eða þú þarft að greiða sky high gjald fyrir þær og að auki koma inn ótal smáaleturs klausur (að tryggingin nái ekki yfir þetta og hitt). Þannig að í þeim tilfellum held ég að þessar tryggingar séu sjaldnast annað en peningaplokk. 

_____________________________________
Varúð yxna feminísk belja á ferð

Ég hef efni á að reykja, þá hef ég efni á tryggingu með hærra iðgjaldi en þeir sem ekki reykja. Þar sem löngu vitað er um skaðsemi reykinga.

Ef þetta snérist aðeins um verðið þá væri það ekki spurning. En það snýst bara ekki bara um það. Heldur "smáaletrið" í samningi reykingarmanns (og ekki bara reykingarmanns heldur allra sem tryggingarfélag metur í áhættu út af hinu og þessu og jafnvel engu) sem útilokar ansi mikið.

_____________________________________
Varúð yxna feminísk belja á ferð

Ef að þeir sem reykja þyrftu ekki að borga hærra og þeir sem eru í ofþyngd þá myndu tryggingafélögin þurfa að hækka iðgjöldin á alla mjög verulega.
Ég fékk reyndar þessa tryggingu þótt að ég sé úr mikilli hjartasjúkdómaætt og hjartasjúkdómar voru ekkert undanskildir. Það kemur fram í tryggingunni fyrir hvaða sjúkdóma hún gildir og þeir eru reyndar mjög margir, t.d. krabbamein og það fá nú því miður mjög margir það.

Hæ, bæði ég og maðurinn minn vorum með líf- og sjúkdómatryggingu. Ég greindist svo með krabbamein nokkrum árum eftir að ég keypti mína tryggingu og fékk sjúkdómatrygginguna greidda út sem kom sér mjög vel þá. Sem betur fer gekk vel að lækna krabbameinið enda drepur þetta krabbamein fáa. Eftir að ég greindist þá vildi ég að maðurinn minn fengi sér svona tryggingar enda við komin með fjölskyldu og húsnæðisskuldir. Síðan fékk maðurinn minn því miður alvarlegt krabbamein nokkrum árum síðar og fékk þá sína tryggingu greidda út. Tryggingafyrirtækin hafa ekki riðið feitum hesti út af okkur!! Það var mjög gott að hann var með þessa tryggingu, við hefðum annars lent í mjög miklum vandræðum því að þá var orðið mjög kostnaðarsamt að fá krabbamein og við þurftum við ekki að hafa fjárhagsáhyggjur í viðbót við allt saman. Ég tók frí frá vinnunni í marga mánuði til að hugsa um hann og börnin og berjast í þessu öllu.

En maður þarf að vega og meta þetta því að þetta eru dýrar tryggingar. Þar sem við vorum með ung börn og komin í dýrara húsnæði þá vildum við hafa þessa tryggingu. Ég mæli allavega með að ungar fjölskyldur séu með líftryggingar fyrir mestu skuldunum.

Núna fyrst að við höfum fengið sjúkdómatrygginguna greidda út þá stendur líftryggingin eftir og iðgjöldin af henni eru miklu lægri. Maðurinn minn mun ekki lifa af sitt krabbamein, er því miður ólæknalegt og ég þakka svo sannarlega fyrir að hann er með líftryggingu, annars þyrfti ég að standa í því að selja íbúðina og kaupa ódýrari þegar þar að kemur. Ég get notað líftrygginguna til að borga upp húsnæðislánin og búa áfram á sama stað með börnin okkar og taka nokkra mánuði í frí t.d. En ef ég gæti myndi ég gefa allt sem við eigum til að hann fengi heilsuna aftur :(

Það er ekki hægt að flakka á milli tryggingafélaga með þessar tryggingar eins og bílatryggingar. Ef maður vill skipta um félag þá þarf maður að kaupa nýja og fá nýtt mat.

Ein vinkona mín skipti um tryggingar og sagði gömlu upp áður en hin tók gildi en maður þarf að greiða í ca 3 mánuði áður en tryggingin tekur gildi. Akkúratt á þessum mánuðum fékk hún nýrnasjúkdóm og fékk ekkert greitt.

Vildi að mamma hefði verið sjúkdómatryggð. Hún veiktist illa fyrir 2 árum og er núna öryrki og þarf að vera með súrefniskút hvert sem hún fer. Er með varanlegan skaða á öðru lunganu og hitt lungað ekki enn búið að ná fullri virkni.