slíta sambúð þegar maður á húsnæði saman

Annað hvort getur annað hvort ykkar keypt hitt út, eða þá þið verðið að selja til þess að skipta eigninni. Með skiptingu húsgagna þá er það oftast bara samkomulagsatriði. 
Ég hef keypt fyrrverandi út úr eign og svo gerði ég kaupmála til þess að þurfa ekki að tví-eignast íbúðina ef til skilnaðar kæmi hjá næsta. Man því ekki hversu langan tíma það tók, en fyrst þarf að komast að niðurstöðu og svo er hægt að ganga í það að athuga með fjármögnun (þarft að fara í greiðslumat osfv) og þetta tekur alltaf einhvern tíma. 
Ef þið eigið börn þá er líka ákveðinn ferill í sambandi við það allt saman. 

engin börn.

hvernig gerist það að annar kaupi hinn út? Íbúðin er alveg svolítið meira virði núna en hún var (gerðum upp) en við myndum kannski koma út í svona 3-4 millj. plús ef við myndum selja. hvorugt okkar á þannig pening eða hefur efni á að taka þannig lán held ég.. allavega pottþétt ekki ég en það væri líka alltaf ég sem færi

Þá myndi ég setja á sölu og selja og gera svo peningamálin upp

en segjum að hann myndi vilja vera áfram, er eina leiðin að hann myndi taka lán til að borga mig út?

Þú getur gefid honum þinn eignarhluta en ef lán er áhvílandi þarf greiðslumat til að yfirtaka allt lánið.

en hvað gerist ef hann næði ekki greiðslumati, yrði ég þá bara að eiga minn helming?

ekki það að það kæmi mér ekki á óvart ef hann myndi vilja flytja sjálfur og þá myndum við bara selja... það ætti ekki að vera mjög erfitt í okkar tilfelli... verst bara að þá er maður áfram í endalausu sambandi við aðilann þegar maður vill helst bara fá smá breik til að jafna sig...

Já yrðir að eiga þinn hluta. En já ömurlegt að fá ekki tíma til að jafna sig.

Við vorum nýbúin að fara gegnum 110% leiðina þannig að ég fæ íbúðina ef ég stendst greiðslumat innan þriggja ára. Er reyndar komin með það en á eftir að græja afsalið.

Ég yfirtók hans helming af láninu á húsinu. Öllum eignum skiptum við þannig að hann tók það sem hann hafði komið með inn í sambandið, það sem hans fjölskylda og vinir höfðu gefið okkur í sameiginlegar gjafir, það sem honum persónulega hafði verið gefið og það sem keypt hafði verið persónulega fyrir hann. Ég fékk það sem ég kom með inn í sambandið, það sem mín fjölskylda og vinir höfð gefið okkur í sameiginlegar gjafir, það sem mér hafði persónulega verið gefið og það sem keypt hafði verið persónulega fyrir mig. Það sem eftir stóð og ekki var hægt að skilgreina með fyrrgreindum hætti fékk sá sem hafði meiri áhuga á hlutnum eða þá að hluturinn var annað hvort gefinn eða seldur og upphæðinni skipt á milli. Hann hélt svo þeim bíl sem var skráður á hann og ég þeim sem var skráður á mig.