Fyrir um 3 dögum síðan fór ég að finna kláða og óþægindi í píkunni og reiknaði með að það væri bara sveppasýking eins og ég hef oft fengið áður. Svo ég tók sveppalyf (finnst mun þægilegra að taka töflu heldur en að vesenast með stíla) og bar á mig pevaryl krem. Yfirleitt hafa lyfið kikkað inn mjög fljótlega og óþægindin horfið, en það gerðist ekki í þetta skipti. Ég var enn friðlaus af óþægindum tæpum 2 dögum eftir að ég tók lyfið svo ég tók annað hylki áður en ég fór að sofa í gær. En ég vaknaði enn með þennan kláða og óþægindi í morgun svo nú er ég farin að halda að þetta sé kannski ekki sveppó. Þá eru kynsjúkdómar auðvitað það fyrsta sem manni dettur í hug og því miður verð ég að viðurkenna að það er fræðilegur möguleiki. En spurning mín til ykkar er þá fyrst og fremst þessi: hvert getur maður leitað svona frekar akút með svona mál? Ég hef ekki áhuga á því að bíða margar vikur eftir tíma á húð og kyn eða hjá kvensjúkdómalækni, ég verð búin að missa vitið af kláða fyrir þann tíma. Er hægt að komast að strax á svona stöðum ef maður er með einkenni? Eða er hægt að leita á einhverja læknavakt sem getur gert kvennaskoðun?