Þið sem hafið selt íbúð vinsamlegast skoðið

verðmöt fasteignarsala eru mjög svipuð íbúðin selst bara á því verði sem markaðurinn vill borga fyrir hana alveg burt séð frá mati fasteignarsala ég get mælt með landmark ég hef notað þá með góðum árangri og sangjarni þóknun

---------------------------------------------------------------------------------------------------------------------------------------------------------------------

Já kannski, en ég er líka að spá í þjónustunni. En takk. :)

sumar fasteignarsölur eru með lága söluþóknun en smyrja svo alskonar himin háum aukakostnaði til að vinna upp afsláttinn á sölulaunum ekki er allt sem sýnist í þessu

---------------------------------------------------------------------------------------------------------------------------------------------------------------------

Ok, gott að vita. Takk. :)

Jú, ég fékk ókeypis verðmat frá nokkrum stöðum og tók svo afstöðu byggt á því hvar mér fannst ég fá bestu þjónustuna á verði sem ég var til í að greiða.

Takk. :)
Fannst þér mikill munur á annars vegar hve hátt fasteignasölurnar mátu íbúðina þín a og hins vegar á því hve háa söluþóknun þær vildu fá?
Hvaða fasteignasölu valdirðu og varstu ánægð með hana, ef ég má spyrja?

En hafðu líka í huga að það ert þú sem ákveður hvað íbúðin kostar. Verðmat er bara verðmat. Ef þú færð hátt verðmat frá einum aðila en velur að selja hjá einhverjum sem mat hana lægra, þá segir þú bara þeirri söluskrifstofu að þú ætlir að selja í gegnum hana en þú viljir að það verði sett X á íbúðina. Verðmatið er minnsti faktorinn í þessu - mér finnst skipta meira máli hvaða þjónusta er í boði og hvaða söluþóknun er tekin.

Takk kærlega fyrir þetta, lúðinn ég vissi þetta ekki einu sinni.
Ég sendi þér svar hér nánast á sömu sekúndu og þú skrifðir þitt seinna svar, svo ef þú hefur ekki séð það set ég það aftur hér:

"Takk. :)
Fannst þér mikill munur á annars vegar hve hátt fasteignasölurnar mátu íbúðina þín a og hins vegar á því hve háa söluþóknun þær vildu fá?
Hvaða fasteignasölu valdirðu og varstu ánægð með hana, ef ég má spyrja?"

Allt í góðu - ég hafði heldur ekki hugsað út í það fyrr en ég byrjaði að skoða þetta sjálf :D Annað sem er gott að hafa á bak við eyrað er að það eru hagsmunir fasteignasölunnar að selja íbúðina þína hratt. Prósentan sem þau fá af sölunni er eðli málsins samkvæmt lág, svo það sem eru hundraðþúsundkallar til eða frá fyrir þig eru þúsundkallar til eða frá fyrir þau. Svo þau vilja frekar selja hratt og þá á aðeins lægra verði heldur en að bíða lengur og sýna íbúðina oftar til þess að knýja verðið aðeins upp. Auðvitað getur það þjónað þínum hagsmunum að selja hratt - og það getur örugglega í einhverjum tilfellum unnið gegn manni að bíða of lengi með óraunhæfa verðhugmynd - en það er samt gott að muna þetta.

Fannst ég ekki finna mun á verðmatinu á íbúðinni og söluþóknuninni, nei. En það var yfirleitt eitthvað samhengi milli þeirrar þjónustu sem var í boði og söluþóknunarinnar, þó það héldist ekki algjörlega í hendur. En mér fannst skipta miklu máli að myndirnar af íbúðinni væru almennilegar og að vita að fasteignasalinn myndi sjálfur sjá um sýningar á íbúðinni og hringja í áhugasama til að fylgja áhuga þeirra eftir og því um líkt. Þeir sem tóku lægstu söluþóknunina tóku ljótar myndir og létu seljandann svo sjá um allt. Mér fannst líklegra að íbúðin myndi seljast hratt og á góðu verði ef hún væri sýnd í sínu besta ljósi og fasteignasali sem virtist vita um hvað hann væri að tala sæi um söluna.

Ég var að leita mér að íbúð um leið og ég var að selja mína. Mér fannst því áhugavert að að skoða fasteignasölurnar bæði sem seljandi og kaupandi í senn. Ég tók eftir því hverjir héldu almennileg opin hús, hverjir voru með góðar fasteignaauglýsingar á vefnum og hverjir voru bara almennt og yfirleitt hæfir sölumenn. Svo ég hafði samband við þær fasteignasölur sem mér leist vel á sem kaupandi til að selja mína íbúð. Þá var maður líka búinn að mynda einhver persónuleg tengsl við fasteignasala sem gat hjálpað, fannst mér, í samningaviðræðum. "Hæ, ég var að skoða hjá þér íbúð á Skástræti í síðustu viku. Við keyptum hana reyndar ekki en ég var að pæla hvort þú værir til í að verðmeta íbúðina mína, við erum nefnilega í söluhugleiðingum..."

Gangi þér vel!

Takk innilega fyrir þetta, mjög hjálplegt. :)
Þar sem þú virðist hafa ágætis reynslu í þesu, geturðu þá mögulega bent mér á fasteignasölu/r sem þú mælir með og/eða sem þú mælir gegn?

Annað: Hvað hétu þessar fasteignasölur (helst þær þeirra sem voru bestar) sem mátu ókeypis fyrir þig, ef ég má spyrja? Ég finn bara sölur sem meta fyrir 30.000 kall og e-ð (en það er reyndar skriflegt verðmat, kannski er það e-ð annað mál). -Þú mátt líka senda mér skilaboð ef þú vilt. Takk kærlega. :)

Já gott að hugsa um þetta held ég.
En svo eru til tölur um söluverð pr. fermetra eftir póstnúmerum sem mætti alveg hafa til hliðsjónar
við verðmat fasteignasölu.

Takk. :) Veistu hvar er hægt að nálgast þær tölur?

Hef oft selt og keypt.  Íbúðarverð er eins og bílverð - snýst um gangverð og stöðuna í þjóðfélaginu.  Ef þér finnst  ásett verð eigar þinnar of lágt þá rökstyður þú það fyrir fasteignasalanum eins og hann þarf að rökstyðja verðlagningu sina fyrir þér.   Ég treysti aldrei fasteignasölum frekar en bankamönnum og læt aldrei í veðri liggja að hægt sé að fá eignina á lægra verði og læt vita að ég svari ekki dónatilboðum þ.e. tilboðum sem eru langt undir ásettu verði.  Mín reynsla er sú að mat mismunandi fasteignasala er  mjög svipað á sömu eign.   Allt skiptir máli við verðsetningu eignar og allt skiptir máli hvort þú færð ásett verð.  

TAkk kærlega. :)

Þú ræður verðinu. Fasteignasalinn kemur einungis með sitt mat. Eins og hefur komið fram þá græðir fasteignasalinn meira á því að salan gangi hratt í gegn frekar en að hún fari á 1-2 milljónir meira í verði. Ef þú ert ekkert að flýta þér að selja þá myndi ég finna fasteignassölu sem er með lága söluþóknun, bjóða þeim að taka hana í einkasölu í X tíma (þá ertu bundi þeirri fasteignarsölu) gegn því að lækka söluþóknunina enn meira. Segja þeim að þú sért ekkert að flýta þér og þú viljir prufa að selja hana á 110% verðmati þeirra og sjá hvað skeður. Skalt bjóðast til að sýna hana sjálf ef þú getur. Hvað varðar fasteignassölur þá myndi ég forðast Valhöll, lenti í mjög fáranlegu atviki hjá þeim.

Takk kærlega. :)
"Segja þeim að þú sért ekkert að flýta þér og þú viljir prufa að selja hana á 110% verðmati þeirra" -Meinarðu að ég skuli segja þeim að ég vilji setja hana á sölu á aðeins hærra verði en þau mátu hana á?

yup

Það skiptir engu máli hvað íbúðin er metin á, það sem skiptir máli er hve söluvænleg hún er!

Hlutir sem hjálpa

Góðar myndir
Fasteignasali sem er markviss og snöggur í samskiptum bæði við þig og kaupendur
Hvernig lítur íbúðin út, það eru margir smáhlutir sem er hægt að gera til að létta sölu einsog að ganga frá öllum smáverkunum sem aldrei hefur verið sinnt.

Ég setti íbúð á sölu fyrir stuttu, málaði hana uppá nýtta loft og veggi, tók eldhúsinnréttinguna og lét sprautulakka fyrir lítinn pening og verslaði ný handföng ásamt því að laga alla smáhlutina sem ég hafði alltaf ætlað að laga, setti nýja ljósarofa, stormjárn o.s.f. til að gera hana söluvænlegri.

Hlutir sem þú getur gert til að lækka kostnað við sölu, semja um fasta þóknun gegn því að vera með íbúð í einkasölu og svo það sem aðrir hér telja upp.

Skoðaðu þessi mál vel því þetta er með hæsta tímakaupi sem þú getur fengið við að sinna þessum málum.

Ég hef notast við Svein Eyland og öll samskipti voru tipp topp, svaraði manni nánast á mínútunni og án allra umbúða og skreytinga, þar að auki bauð hann uppá fría fasteignaljósmyndun sem hjálpaði mikið til við söluna.

Takk kærlega fyrir þetta. :)

Ath ef þú hefur átt íbúðina í minna en 3ár þarftu að greiða skatt af upphæðinni. Lenti einu sinni næstum í stórtapi af þessari ástæðu. Svo betra að vita af þessu.

"Skatt af upphæðinni", hvaða upphæð?

Af vef RSK
"Ef íbúðarhúsnæði eða búseturéttur er seldur og seljandi hefur ekki átt íbúðina/búseturéttinn í full tvö ár er söluhagnaðurinn skattskyldur. Hafi hann keypt eða hafið byggingu íbúðarhúsnæðis á árinu getur hann óskað eftir að söluhagnaðurinn verði færður til lækkunar á stofnverði þess. Þetta á við um íbúðarhúsnæði hér á landi, á EES svæðinu, í aðildarríkjum Fríverslunarsamtaka Evrópu og í Færeyjum. Hafi ekki verið keypt eða hafin bygging á öðru íbúðarhúsnæði er hægt að óska eftir frestun á skattlagningu söluhagnaðar um tvenn áramót frá söludegi.

Sé keypt eða hafin bygging á nýju íbúðarhúsnæði, í síðasta lagi á öðru ári eftir söluár, er söluhagnaðurinn ekki skattlagður en færist til lækkunar á stofnverði nýrrar íbúðar. Sé stofnverð nýju eignarinnar lægra en sem nemur fjárhæð söluhagnaðar færist mismunur sem fjármagnstekjur á kaupári nýju eignarinnar. Ef eignar er ekki aflað innan tilskilins tíma færist söluhagnaðurinn með skattskyldum fjármagnstekjum á öðru ári eftir að hann myndaðist.

Ég hef séð tvo í kringum mig selja í gegnum Húsaskjól og það var mjög fagleg þjónusta. M.a. innifalið mat stílista á því hvernig best væri að útbúa íbúðina fyrir myndatöku.