Þingmaður Pirata með stórfrétt ef rétt reynist.

_Svartbakur | 13. sep. '21, kl: 08:38:45 | 115 | Svara | Er.is | 0

Mbl 13 september 2021

Björn Leví Gunnarsson þingmaður Pirata

"Ég fékk mjög áhugaverða ábendingu um Tryggingastofnun (TR)
í gær. Ég ætla að byrja á að
biðjast samt velvirðingar á eilítið tæknilegri grein – en vonast
til þess að ég geti útskýrt af hverju ég
hneykslaðist allsvakalega enn og aftur á því
hvernig TR virðist mismuna fólki. Síðast voru
það búsetuskerðingarnar, núna virðist það
vera lífeyrissjóðsgreiðslur.
Ef ég fer í reiknivél TR fyrir ellilífeyri og
slæ inn 400.000 krónur í atvinnutekjur þá segir reiknivélin að ég fái 576 þúsund krónur í
tekjur samtals. Ef ég fæ hins vegar 400 þúsund krónur í greiðslu úr lífeyrissjóði þá gerist
eitthvað stórfurðulegt og ég fæ einungis um
520 þúsund krónur. Einhvern veginn gufa upp
rúmlega 50 þúsund krónur á mánuði ef ég fæ
greiddar 400 þúsund krónur úr lífeyrissjóði í staðinn fyrir að fá sömu krónur í atvinnutekjur.
Ástæðan fyrir þessu er áhugaverð, en samkvæmt lögum um tekjuskatt teljast greiðslur úr lífeyrissjóðum
vera tekjur. Samkvæmt lögum um almannatryggingar
er hins vegar gerð undanþága frá því fyrir örorkulífeyri
en ekki ellilífeyri. Sem sagt, ef ég er með örorkulífeyri þá
eru lífeyrissjóðsgreiðslur ekki tekjur en ef ég er með ellilífeyri þá teljast lífeyrissjóðsgreiðslur vera tekjur eins
og venjulega. Reiknivél TR segir mér hins vegar að það
sé ekki farið með atvinnutekjur og lífeyrissjóðsgreiðslur
á sama hátt. Þetta þýðir að 100 þúsund króna frítekjumarkið vegna atvinnu sem ellilífeyrisþegar hafa á mánuði virkar ekki fyrir tekjur
úr lífeyrissjóði og heildartekjur ellilífeyrisþega skerðast – án þess að stoð sé fyrir því í
lögum.
Hér ætla ég að gera risastóran fyrirvara
við þessa niðurstöðu mína. Lög um almannatryggingar eru fáránlega flókin og kannski
eru löglegar ástæður fyrir þessu faldar einhvers staðar annars staðar í lagatextanum,
en miðað við minnisblað frá Tryggingastofnun sem ég fékk samhliða þessari ábendingu,
þá sé ég ekki að vísað sé til annars hluta laganna – en þar stendur orðrétt: „Ekki verður
því séð að tilefni sé til að jafna lífeyrissjóðstekjum við atvinnutekjur við túlkun á 1. mgr.
23. gr. ATL.“
Þetta er mjög skýrt í 16. gr. laganna og 23.
gr. breytir engu hvað það varðar: „Þegar um er að ræða
örorkulífeyri […] teljast ekki til tekna […] greiðslur úr
skyldubundnum atvinnutengdum lífeyrissjóðum“. Ekkert sambærilegt orðalag er að finna í málsgreininni:
„Þegar um er að ræða ellilífeyri …“
Því virðist TR reikna lífeyrissjóðsgreiðslur til ellilífeyris eins og um örorkulífeyri sé að ræða og það virðist,
miðað við lögin, vera rangt. Hversu miklum skerðingum
ellilífeyrisþegar verða fyrir vegna þessa er óljóst en það
gætu verið ansi háar fjárhæðir ef rétt reynist. "

 

_Svartbakur | 13. sep. '21, kl: 09:26:34 | Svara | Er.is | 0

Ólögleg skerðing TR er ekki að gerast í fyrsta sinn.
Það er full þörf á að það sé skipt um yfirmenn hjá Tryggingastofnun vegna síendurtekinna ólöglegra aðgerða gegn skjólstæðingum stofnunarinnar.

Björn Levi er með afbrigðum nákvæmur og mjög ólíklíklegt að honum hafi sést yfir einhver lög sem breyti þessari
niðurstöðu hanns.
Auðvitað ber TR að leggja fram lagalegar skýringar vegna þessara skerðinga. Eins og Björn Levi segir í grein sinni þá eru þær lögskýringar ekki að duga til að sýna fram á l-gmæti skerðinganna.
Ríkisstjórn og TR ber að svara þessum ásökununm strax.
Ef lagastoð skortir fyrir skerðingunum ber ríkissjóði að greiða út leiðréttingu til þeirra fjölmörgu sem málið varðar.
Þar er klárlega um tugi milljarða króna að ræða.

En annað til viðbótar þá sýna þessar skoðanir Björns Leví hve óréttlátar þessar skerðingar eru einnig gagnvart -rorkulífeyrisþegum
þó að lagatextinn vilji skerða þann hóp frekar en þá sem hafa tekjur úr lífeyrissjóðum.

Júlí 78 | 14. sep. '21, kl: 06:56:04 | Svara | Fyrri færsla | Er.is | 0

Gott þegar þingmenn benda á þetta misrétti þarna.....En ekki líst mér alveg á Pírata að sumu leyti. T.d. var ég að lesa í frétt..." Hall­dóra Mo­gensen, þing­flokks­formaður Pírata, seg­ir að rík­is­sjóður geti tekið lán til þess að  koma á borg­ara­laun­um í fyll­ingu tím­ans." Og: " Hall­dóra treysti sér ekki til þess að slá tölu á kostnaðinn, sem upp­taka borg­ara­launa hefði í för með sér, en tók und­ir að út­gjöld­in myndu nema hundruðum millj­arða króna á ári og rík­is­sjóður stækka um helm­ing fyr­ir vikið."
Hvaða vit er í því að rétta öllum borgaralaun, líka stórríku fólki?


https://www.mbl.is/frettir/kosning/2021/09/09/sla_ma_lan_fyrir_upptoku_borgaralauna/

_Svartbakur | 14. sep. '21, kl: 07:56:55 | Svara | Fyrri færsla | Er.is | 0

Já maður rekst á ýmislegt skrýtið sem frá þessu fólki kemur sem er að bjóða sig til forystu fyrir okkur og þjóðfélagið.
Stórfurðulegt og manni sýnist tómt rugl varðandi þessi borgaralaun.
Ef rétt er sem ég heyrði sagt að frk. Mogensen sagði að lántaka ríkissjóðs til að borga út borgaralaun myndi borga sig til baka með sköttum og athöfnum væntanlega eyðslu þessara borgaralauna :)
Ég hef litla trú á Pirötum held að þeir séu samt ekki allir alveg kolómögulegir eru frekar svona svoldið barnalegir og óreyndir margir hverjir.

En ég held Júlí að þú ættir að fara varlega varandi þennan sósíalistaflokk og Gunnar Smára.
Það er eitthvað fyrirbæri sem okkur ber að varast.
Nýjustu ummæli Gunnars Smára varandi t.d. hæstarétt eru ógnvekjandi.
Þetta lyktar allt af sterku ofstæki og innihaldslausum upphrópunum.

Júlí 78 | 14. sep. '21, kl: 09:26:56 | Svara | Fyrri færsla | Er.is | 0

Við skulum líta á það sem Sósíalistaflokkurinn sagði um það:

Skipu­lagt plott

Tel­ur þú að dómsvaldið sé spillt?

„Ég held að það hafi verið sett systema­tískt inn í Hæsta­rétt menn sem eru lík­leg­ir til að verja meint eign­ar­hald stór­út­gerðar­inn­ar á kvót­an­um. Og að það sé skipu­lagt plott og ef það er þannig að ef Hæstirétt­ur stopp­ar það að al­menn­ing­ur fái að nota sín­ar auðlind­ir þá verðum við að bregðast við því. Og aðrar þjóðir hafa brugðist við því með því að stofna nýtt lýðveldi.“ 

Bíddu nú við, þú ert að segja að það sé skipu­lagt plott hvernig Hæstirétt­ur er skipaður til að verja eitt til­tekið mál?

„Auðvitað. Það vita það all­ir.“

Og hver stýr­ir þessu plotti?

„Það veit ég ekki. Það eru ein­hver bak­her­bergi ein­hversstaðar. Þið ættuð að vita það.“

Nei enga dellu hér. Hver stýr­ir slíku plotti, þú hef­ur þá ein­hverja inn­sýn sem við höf­um ekki?

„Inn í Sjálf­stæðis­flokk­inn? Sjálf­stæðis­flokk­ur­inn hef­ur lagt fæð á mig í 30 ár. Ég hef enga inn­sýn inn í Sjálf­stæðis­flokk­inn.“

Ég held það sé nokkuð öruggt að það sé litið á stjórnmálaskoðanir umsækjenda eins og oft er þegar valið er í starf. Það hefur ekki alltaf verið valdir dómarar eftir hæfni þeirra. 19. des. 2017: "S igríður Á.   Andersen   dómsmálaráðherra braut gegn   stjórnsýslulögum   þegar hún vék frá hæfnismati dómnefndar um skipun 15 dómara í Landsrétt. Þetta er niðurstaða Hæstaréttar Íslands. Í dómi hans sem birtur var í dag segir að Sigríður hafi að lágmarki átt að gera samanburð á hæfni annars vegar fjögurra umsækjenda sem dómnefndin hafði metið á meðal 15 hæfustu en Sigríður ákvað að gera ekki tillögu um að yrðu skipaðir, og þeirra fjögurra sem hún ákvað frekar að skipa. Það hafi hún ekki gert og gögn málsins bentu ekki til þess að nein slík rannsókn hefði farið fram af hálfu Sigríðar.

Í dómnum segir: „Samkvæmt því hefði málsmeðferð hans verið andstæð 10. gr.  stjórnsýslulaga  og af því leiddi að það sama ætti við um meðferð Alþingis á tillögu ráðherra þar sem ekki hefði verið bætt úr þeim annmörkum sem málsmeðferð ráðherra var haldin.“

Í annarri frétt frá 5. júní 2017: "S igríður Á. Andersen, dómsmálaráðherra, var í ritstjórn Vefþjóðviljans þegar vefmiðillinn hæddist að Ástráði Haraldssyni lögfræðingi og uppnefndi hann vegna stjórnmálaskoðana. Hún ákvað að gera ekki tillögu um hann sem dómara við Landsrétt þrátt fyrir að dómnefnd hafi komist að þeirri niðurstöðu að hann væri einn af hæfustu umsækjendunum."

Einmitt, vegna stjórnmálaskoðana!! Það skiptir máli virðist vera þegar menn/konur eru valin/valdir í Hæstarétt eða Landsrétt.

https://www.mbl.is/frettir/kosning/2021/09/13/skipulagt_plott_med_haestarett/

https://stundin.is/grein/3630/vefrit-sem-radherra-ritstyrdi-haeddist-ad-astradi-vegna-stjornmalaskodana-hans/

_Svartbakur | 14. sep. '21, kl: 11:59:59 | Svara | Fyrri færsla | Er.is | 0

Gunnar Smári er kostulegur karl.

Hann var handlangari auðvaldsins og vann stíft fyrir Jón Ásgeir og Baug þegar mest gekk á að sölsa undir sig eigur landsmanna í gegnum bankana sem Jón Ásgeir og Baugur mersmugu með hjálp Gunnars Smára. Þá var Gunnar Smári kapitalisti og flaug með einkaþotum og nýtti sér þetta stolna fé sem auðvaldið skaffaði honum.

Síðar gerðist Gunnar Smári einhverskonar landráðamaður og vildi fórna sjálfstæði Íslands fyrir að verða hreppur í Noregi. Hann stofnaði flokk í þessum tilgangi en lítið gekk því Noregur vildi ekki taka þátt í plottinu.

Næst fréttum við af karlinum þar sem hann var orðinn Múslii og áhangandi þeirra söfnuða. Múslimr eru jú byltingarsinnaðir margir hvrjir og hafa staðið fyrir hryðjuverkum um víða veröld. Ekki veit nákvæmlega hvað fyrir Gunnari Smára lá með þessu uppátki sínu.

Nú svo var auðvaldsinninn Gunnar Smári allt í einu orðinn kommúnisti og stofnar nýjan flokk Sósíalistaflokkinn og fer að plotta með óánægjuöflum í verkalýðsforystunni. Sjóðir verkalýðsins voru jú digrir og margt hægt að gera ef menn kæmust í þá.

Nú svo er Gunnar Smári kominn í baráttu um þingsæti til Alþingis fyrir sósíalistaflokkinn.

Tilvonandi þingmaður Gunnar Smári hefur hátt og hótar að ryðja Hæstarétt ef rétturinn væri ekki sömu skoðunar og hann og sósíalistaflokkurinn.

Júlí 78 | 14. sep. '21, kl: 12:37:56 | Svara | Fyrri færsla | Er.is | 0

Látum Gunnari Smára sjálfan tala fyrir sig:

Á einkaþotum með for­stjór­laun og á for­stjórajeppa

„Þú varst að vinna með mönn­um sem voru með tug­millj­arða um­svif. Þú varst að kaupa tug­millj­arða stór­fyr­ir­tæki er­lend­is. Þú ferðaðist um á einkaþotu, við Andrés höf­um aldrei ferðast á einkaþotu. Það er ekki óeðli­legt að spyrja sig hvað ger­ist frá því að menn standa í þessu, ferðist um að einkaþotu, kaupi stór­fyr­ir­tæki, ráði og reki fólk, er á for­stjóra­laun­um og á for­stjórajepp­um og séu svo allt í einu farn­ir að tala fyr­ir því að brjóta þurfi upp stór­fyr­ir­tæk­in því fólk hafi það ekki nógu gott í sam­fé­lag­inu.“

„Sko, ég lifi í kapí­talísku sam­fé­lagi og hef verið að vinna inn­an þess,“ svar­ar Gunn­ar og bæt­ir við:  „Ég var blaðamaður sem var mikið til á jaðri blaðamennsk­unn­ar. Þá var Morg­un­blaðið og RÚV miðja fjöl­miðlun­ar. Ég lærði það smátt og smátt að það er ekki hægt að lifa á jaðrin­um því þegar það kem­ur kreppa þá ertu bara þurrkaður út. Það átti við um mörg dag­blöð sem ég hafði tekið þátt í og unnið á. Ég vann á NT í gamla daga, það hvarf, ég vann á Helgar­póst­in­um og hann hvarf og ég vann á Press­unni og hún hvarf, reynd­ar löngu eft­ir að ég hætti á henni.“

Ægi­vald Sjálf­stæðis­flokks­ins og Kol­krabb­ans

Seg­ir hann að þegar hann hafi komið að Frétta­blaðinu hafi það verið komið í þrot. Hann hafi upp­lifað það sem svo að blaðið hafi verið sett í þrot og að hverj­ar dyrn­ar á fæt­ur öðrum hefðu lokast á Svein R. Eyj­ólfs­son og Eyj­ólf Sveins­son sem höfðu komið því á lagg­irn­ar.

„ég er al­inn upp í ægi­valdi Sjálf­stæðis­flokks­ins og Kol­krabb­ans. Það var ógn­in í sam­fé­lag­inu. Hvernig get­ur þú haldið Frétta­blaðinu gang­andi. Þá mundi ég eft­ir sögu Morg­un­blaðsins. Þegar  það lenti í vand­ræðum 1922 eða 1923 þá voru það kaup­menn­irn­ir í Reykja­vík sem reistu það við. Því ástæðan var sú að kaup­menn­irn­ir þurftu miðil til að bera aug­lýs­ing­ar sín­ar til kúnn­ana. Þannig að ég fór til kaup­mann­anna í Reykja­vík, ann­ars veg­ar Árna Hauks­son­ar sem rak Húsa­smiðjuna og Jóns Ásgeirs sem rak Hag­kaup og Baug,“ seg­ir Gunn­ar Smári til skýr­ing­ar.

Er hon­um þá bent á að menn­irn­ir sem hann nefni til sög­unn­ar séu og hafi verið meira en bara kaup­menn á horn­inu. Þarna sé um að ræða kapí­tal­ista með millj­arða fjár­fest­ing­ar und­ir. Hafn­ar Gunn­ar þeirri lýs­ingu og bend­ir á að um­svif Baugs hafi t.d. ekki orðið gríðarleg fyrr en seinna, jafn­vel þótt fyr­ir­tækið hafi verið orðið stærsti smá­söluaðili lands­ins á þess­um tíma.

„Ástæðan fyr­ir því að ég fór til þeirra er sú að ég veit að þeir höfðu sam­eig­in­lega hags­muni. Ef Frétta­blaðið hefði dáið þá hefði Morg­un­blaðið skrúfað upp verð á aug­lýs­ing­um og sett þá í [...]  þannig að við höfðum ólíka hags­muni en sam­eig­in­lega hags­muni af því að halda  Frétta­blaðinu lif­andi.“

Júlí 78 | 14. sep. '21, kl: 12:42:46 | Svara | Fyrri færsla | Er.is | 0

Ég er nú ekki viss um að Gunnar Smári sé alveg á sömu skoðun með þetta og 2014 en þá kom skýring á því af hverju hann vildi þetta sem þú talar um: " Gunnar Smári bendir svo á að samruninn við Noreg gæti haft áhrif til framþróunar:

Það er alls ekki fordæmalaust að ríki kjósi að ganga inn í annað ríki til að bæta hag borgaranna og rjúfa einangrun sem aftrar framþróun. Það gerðu Skotar til dæmis snemma á átjándu öld þegar þing þeirra samþykkti að ganga inn í United Kingdom. Í kjölfar þess kom langur góðæristími í láglöndum Skotlands og helstu borgum; og af honum spratt upp skoska upplýsingin sem gat af sér bæði öflug fræði og fagrar bókmenntir. Edinborg var á sínum tíma öflugri hugmyndapottur en Lundúnir. Skotar ætla sér síðan að kjósa um það í haust að ganga aftur úr United Kingdom eftir rúm 300 ár. Það er því hvorki fordæmalaust né óafturkræft fyrir Íslendinga að sækja um að verða fylki í öðru ríki."

https://www.dv.is/eyjan/2014/07/22/island-sem-20-fylki-noregs/

Júlí 78 | 14. sep. '21, kl: 12:51:15 | Svara | Fyrri færsla | Er.is | 0

Gunnar Smári er svo enginn múslimi þó hann hafi gengið í þeirra félag eitt sinn, þú þarft að kynna þér málin Svartbakur.
Frétt frá 2014:
"Gunnar Smári segist hafa verið skráður utan trúfélaga síðan árið 1977. Allt til ársins 2009 hafi sóknargjöld hans því runnið til Háskóla Íslands eða þar til lögum þar um var breytt. Segir Gunnar að hann efist um að sínar 9000 krónur nýtist íslenska ríkinu, en hugsi sig um að skrá sig í Félag múslima á Íslandi svo félagsfólkið þar geti notað féð til að verjast árásum og lygum Framsóknarmanna og fylgismanna þeirra. Gunnar segist þó ekki ætla að játa Íslamska trú, skrái hann sig í félagið."
Frétt frá okt. 2015: 

„Ég gekk í Félag múslima þegar Framsóknarmenn og flugvallarvinir dembdu sínum hatursáróðri yfir saklaust fólk í aðdraganda síðustu borgarstjórnarkosninga,“ skrifar Gunnar Smári í áðurnefndri Facebook-klausu. En, nú líst honum ekki á blikuna."



Og:  „Nú hafa hins vegar gosið upp í félaginu deilur um klæðaburð kvenna og afstöðu til samkynhneigðra. Ég treysti mér ekki til að taka þátt í þeim enda er ég aðeins laustengdur þessu félagi. Ég sagði mig því úr félaginu og stend aftur utan trú- og lífsskoðunarfélaga eins og ég hef gert síðan ég var unglingur.“


https://www.ruv.is/frett/ihugar-ad-skra-sig-i-felag-muslima

https://www.visir.is/g/2015730415d

_Svartbakur | 14. sep. '21, kl: 13:21:41 | Svara | Fyrri færsla | Er.is | 0

Guð minn góður hvað þetta er hugljúft hjá Gunnari Smára:

Ég gekk í Félag múslima þegar Framsóknarmenn og flugvallarvinir dembdu sínum hatursáróðri yfir saklaust fólk í aðdraganda síðustu borgarstjórnarkosninga,“ skrifar Gunnar Smári í áðurnefndri Facebook-klausu. En, nú líst honum ekki á blikuna."

Júlí 78 | 14. sep. '21, kl: 13:52:21 | Svara | Fyrri færsla | Er.is | 0

Já hann segist ekki vera fylgjandi islam (þeirra trú) en ekki þolað það að verið væri að koma svona fram við múslimana af hálfur Framsóknar. Ég er alveg sammála því að það á ekki að vera með einhvern haturspóst í garð þeirra bara af því þeir séu múslimar því þó það séu til einhverjir hættulegir öfgamúslimar í heiminum þá vitum við líka að það er fullt af frimsömum múslimum líka til. Hef reyndar ekki heyrt um neinn öfgamúslima hér á landi, ekki ennþá að minnsta kosti.

Júlí 78 | 14. sep. '21, kl: 13:38:59 | Svara | Fyrri færsla | Er.is | 0

Svo segirðu: " Nú svo var auðvaldsinninn Gunnar Smári allt í einu orðinn kommúnisti og stofnar nýjan flokk Sósíalistaflokkinn og fer að plotta með óánægjuöflum í verkalýðsforystunni. Sjóðir verkalýðsins voru jú digrir og margt hægt að gera ef menn kæmust í þá."  Hvað meinarðu? Ertu að gefa í skyn að Gunnar Smári hafi viljað komast sjálfur í einhverja sjóði verkalýðsins? Þetta er tóm vitleysa hjá þér, ég hef horft á viðtal við Gunnar Smára. 


Hann talaði um að hafa stofnað Sósíalistaflokkinn (var stofnaður  1. maí árið 2017)  og ástæðan fyrir því að þeir buðu sig ekki fram til þingkosninga þá var sú, sept 2017: " Í tilkynningu frá flokknum segir að  félagar flokksins hafi samþykkt að fyrstu verkefni hans yrðu að byggja upp lýðræðislegt innra starf, útfæra grunnstefnu flokksins og blása til Sósíalistaþings í haust. „Þessu starfi miðar vel og hreyfing er að verða til. En því er ekki lokið. Af þeim sökum ætlar Sósíalistaflokkurinn ekki að bjóða fram í komandi þingkosningum. Þess í stað mun flokkurinn halda áfram að vinna að uppbyggingu fjöldahreyfingar sem í framtíðinni mun beita sér innan verkalýðshreyfingarinnar, í sveitastjórnum og á þingi.“ En ef ég skildi hann rétt í einu viðtali þá aðstoðaði hann eitthvað í sambandi við verkalýðshreyfinguna, greinilegt að hann vildi aðra stjórn en var...

"Helsta sökudólginn í klíkuvæðingu verkalýðshreyfingarinnar og vanhæfni hennar á að takast á við þarfir umbjóðenda sinna telur Smári vera Samfylkinguna og að minna leyti Vinstri græn. Leiðtogar sem sátu áratugum saman hafi svo til allir komið úr Samfylkingunni, eins og til dæmis Gylfi Arnbjörnsson.

„Það er mikill glæpur hjá þessu fólki að taka baráttutækin, hreyfinguna og flokkana, úr höndum fólksins sem er algjörlega háð því að lýðræðislegur vettvangur virki fyrir það. Að drepa niður alla virkni í verkalýðshreyfingunni til þess að gera hana að einhvers konar klappstýru fyrir umsókn um Evrópubandalagið, upptöku evru og öðrum áhugamálum elítunnar er voðaverk. Á sama tíma tók Samfylkingin arfleifð baráttusögu verkalýðshreyfingarinnar frá síðustu öld og flokkanna sem hún gat af sér og breytti sér í eins konar lífsstílsflokk fyrir hina menntuðu millistétt, flokk sem á í dag aðallega samleið með Viðreisn, Bjartri framtíð og slíkum viðrinisflokkum. Samfylkingin á ekkert erindi lengur inn í alvöru stéttabaráttu og er á engan hátt í stakk búin til að takast á við nýfrjálshyggjuna. Til þess skortir hana fólk innanborðs sem hefur upplifað á eigin skinni ranglæti samfélagsins.“

https://kjarninn.is/frettir/2017-09-23-sosialistaflokkurinn-bydur-ekki-fram-i-thingkosningunum/

https://www.dv.is/fokus/folk/2018/4/21/gunnar-smari-samfylkingin-a-ekkert-erindi-lengur-inn-i-alvoru-stettabarattu/

_Svartbakur | 14. sep. '21, kl: 13:49:32 | Svara | Fyrri færsla | Er.is | 0

Gunnar Smári veit vel hvar peningarnir eru...
Hann veit vel að þingmannalaun eru orðin þokkaleg og hann veit vel að formaður flokks hefur góð laun frá Alþingi.
Hann veit líka vel að stjórnmálaflokkarnir fá mikið fé frá Ríkinu.
Hann er ekkert að kvarta yfir þessu því hann vill vera þarna...

Júlí 78 | 14. sep. '21, kl: 17:57:34 | Svara | Fyrri færsla | Er.is | 0

Við skulum nú a.m.k. gefa okkur það að einhverjir vilji fara á þing til að breyta þar ýmsu. 


Gunnar Smári sagði í frétt frá febr. 2021: " Þingflokkarnir eru mesta hættan sem stafar að lýðræðinu. Fyrir utan 744 m.kr. sem flokkarnir skömmtuðu sér úr ríkissjóði 2019, og 45,5 m.kr. sem þeir tóku úr sveitarsjóðum, og fyrir utan þá 106,2 m.kr. sem þeir tóku frá Alþingi í rekstur þingflokkanna, fyrir utan þá 24 aðstoðarmenn sem ráðherrarnir halda, þá skömmtuðu þingflokkarnir sér 30 stöðugildum fyrir aðstoðarmenn frá þinginu. Ef við reiknum kostnað við hvern aðstoðarmann, ráðherra eða þingmanna, á 1,5 m.kr. á mánuði þá er kostnaðurinn við að halda 54 aðstoðarmenn um 972 m.kr. á ári. Þetta er varleg áætluð tala, nær aðeins utan um laun en ekki starfstengdan kostnað; húsnæði, fjarskipti, ferðir o.s.frv.

Styrkur almennings til þingflokkanna er þá nærri 1.868 m.kr. á ári, sé miðað við tölur frá 2019. Þetta jafngildir um 7,5 milljörðum króna á kjörtímabili.

Og í hvað fara þessir peningar? Verðið þið mikið vör við lýðræðislegt starf stjórnmálaflokka í dag? Nei, svo til hver króna af þessu fer til þess að tryggja völd forystu flokkanna innan síns flokks og síðan til að reyna að veiða atkvæði landsmanna til að tryggja þessari forystu völd í samfélaginu.
Berið þetta saman við framlög ríkisins til Leigjendasamtakanna, Neytendasamtakanna, samtaka aldraðra, öryrkja, sjúkra, fanga, barna eða annarra hópa sem sannarlega þyrftu á aðstoð að halda til að styrkja rödd sína innan lýðræðisins.

Sjálftaka forystu stjórnmálaflokkanna er komin úr yfir allan þjófabálk. Það er ekki hægt að líta á þetta annað en valdarán, að nokkrar vinsælukrakkarklíkur sæki svo mikið fé í almannasjóði til að verja völd sín að þau hafa afl til að leggjast yfir umræðuvettvanginn og veggfóðra samfélagið með flennistórum photoshopuðum myndum af forystufólkinu með innihaldslausum slagorðum.

Þingflokkarnir eru ógn við lýðræðið. Þetta hljómar undarlega, en samfélag okkar er orðið svo spillt að við þurfum að venja okkur við setningar sem hingað til hafa aðeins átt heima í myrkum framtíðarhrollvekjum."

https://www.midjan.is/thingflokkarnir-eru-ogn-vid-lydraedid/

_Svartbakur | 14. sep. '21, kl: 18:34:03 | Svara | Fyrri færsla | Er.is | 0

Já ég held að sjálftaka stjórnmálaflokkanna sé hættuleg...
Þyrfti að vera eitthvert mótvægisafl gegn svona ....

_Svartbakur | 14. sep. '21, kl: 18:41:26 | Svara | Fyrri færsla | Er.is | 0

Annars er ég nú svona að bulla eitthvað hér um pólitík ... hef sennilega kosið flesta flokka þessa eldri... keemur svo mikið af nýum ... En kannski verður maður íhaldssamari ?

Júlí 78 | 14. sep. '21, kl: 17:58:58 | Svara | Fyrri færsla | Er.is | 0

Jú hann kvartar yfir ýmsu.

Fyrirsögn Nafn Dagur Uppfært
Eyrnahreinsun..hvar ?? Lanke51 20.10.2021 23.10.2021 | 00:26
Bólusetning pæling VValsd 15.10.2021 22.10.2021 | 19:57
Deildu oliver002 22.10.2021
Er stjórnarsamstarfið að taka enda ? _Svartbakur 21.10.2021 22.10.2021 | 01:00
Breytilegir verðtryggðir vextir í kjölfar kórónaveirunnar? bb79 31.3.2020 21.10.2021 | 12:32
Ólafur Ragnar lýsir stöðunni vel _Svartbakur 17.10.2021 20.10.2021 | 22:44
Breytingar við Bústaðaveg Júlí 78 19.10.2021 20.10.2021 | 08:51
Bitcoin áin 16.10.2021 19.10.2021 | 14:08
Bakkar, breiðholtsskóli sokkur samuel 15.10.2021 18.10.2021 | 20:02
Stig í lánshæfisflokkum credit info Viðskiptavinur 17.10.2021 18.10.2021 | 19:06
My trendy phone.is HUGME 18.10.2021 18.10.2021 | 10:31
Vefsvæði Vinnumálastofnunar í ólagi? Garðsláttur 16.10.2021 18.10.2021 | 08:35
Góður Sálfræðingur Erna S 17.10.2021 18.10.2021 | 02:40
Árás á lýðræðið ? Kristland 17.10.2021 18.10.2021 | 01:22
Fáni friðarins ? Kristland 17.10.2021 17.10.2021 | 13:54
Það er komin helgi með Helga VValsd 16.10.2021 17.10.2021 | 04:16
en óendanleg orka Orkuskortur um allan heimsprettur uppúr jörðinni á Íslandi _Svartbakur 14.10.2021 16.10.2021 | 20:08
Gylfi Þór - rannsókn mögulega hætt á morgun, velkominn aftur í landsliðið væntanlega. Brannibull 14.10.2021 16.10.2021 | 19:34
Fréttir ganga niður tröppurnar VValsd 13.10.2021 16.10.2021 | 02:00
Kaufen Sie einen registrierten Führerschein online (https://fuhrerscheinss.com/), kaufen Sie ei nyahkuma 7.10.2021 16.10.2021 | 00:12
Ert þú með Cheerios glutenlaust VValsd 13.10.2021 15.10.2021 | 23:06
Kannast ekki allir við þetta Kimura 15.10.2021
Sundlaugaverðir VValsd 24.9.2021 15.10.2021 | 20:01
Húsfélag sláttur danek1 14.10.2021 15.10.2021 | 13:45
vantar uppskrift af skötusel kolmar 14.10.2021 15.10.2021 | 13:14
Brosandi mynd viðeigandi hér? VValsd 14.10.2021 14.10.2021 | 18:56
Skíthæll vikunnar? Hr85 12.10.2021 14.10.2021 | 01:39
Litla saklausa ísland ? Kristland 13.10.2021 13.10.2021 | 22:17
Afturbatapíka. Getur Strætó orðið afturbatapíka ? Með Afturbatapíku drauma ? _Svartbakur 13.10.2021
Matarkörfur hjá feitu fólki Hr85 13.5.2021 13.10.2021 | 13:06
Barn nær ekki að kúka lovelove2 10.10.2021 13.10.2021 | 12:19
Víðir með covid eftir gesti VValsd 29.11.2020 13.10.2021 | 09:34
Ríkisstjórn Katrínar miklu í fæðingu. _Svartbakur 11.10.2021 12.10.2021 | 18:44
Olíumiðstöð í bíl Ardiles 12.10.2021 12.10.2021 | 18:20
Stórtap af rekstri Strætó eins og venjulega Tapið alls um 5.200 millj. kr á árinu 2020. _Svartbakur 12.10.2021
Að fara í mál við son sinn? amhj123 4.10.2021 12.10.2021 | 11:03
*Einhleypar konur frá 35-45 ára* Smælí 10.11.2009 11.10.2021 | 20:44
NASA , ,skamm ! ! Kristland 11.10.2021 11.10.2021 | 19:02
Af hverju er friðarsúlan svona mikið flopp? Hr85 10.10.2021 10.10.2021 | 21:59
Mat vegna slyss, tryggingafélagið Mistress Barbara 9.10.2021 10.10.2021 | 21:11
Kjúklingafranskar villt 10.10.2021 10.10.2021 | 16:06
Hvað borgið þið í tryggingar af bílunum ykkar ? tweety69 26.6.2007 10.10.2021 | 11:39
Panta gluggatjöld á netinu? EarlGrey 10.10.2021 10.10.2021 | 05:52
Deila leigukostnaði / nýlegt samband waterboy007 3.10.2021 9.10.2021 | 23:54
Segðu frá Jesú og löggan mætir með handjárn ! Kristland 6.10.2021 9.10.2021 | 22:07
Er einhver að byggja einingahús í dag? HUGME 5.10.2021 9.10.2021 | 14:29
Að fóðra skólplagnir úr stein oliorn1 8.10.2021 9.10.2021 | 14:20
Leiðari Fréttablaðsins 10.okt 2021 _Svartbakur 7.10.2021 9.10.2021 | 14:14
Lögfræðingar og kostnaður amhj123 2.10.2021 8.10.2021 | 10:32
Kaufen Sie einen registrierten Führerschein online (https://buymyglobaldocs.com/), kaufen Sie e nyahkuma 7.10.2021
Síða 1 af 56669 síðum
 

Umræðustjórar: ingig, Coco LaDiva, vkg, krulla27, mentonised, Krani8, MagnaAron, karenfridriks, anon, joga80, rockybland, Atli Bergthor, barker19404, tinnzy123, superman2, aronbj, Bland.is, flippkisi, Gabríella S