Þetta er góð spurning? :) Ef þú hefur sérstakt lag eða lög í huga gætir þú valið söngvara út frá því. Ertu að hugsa um óperusöng, sem þarf kannski ekki undirspil, eða nútíma söngvara sem hljómar betur meö kannski gítarundirspili? Hvað er viðeigandi að syngja í brúðkaupi? Ég fór á smá tónleika um daginn, og þar söng Eyþór Ingi lagið "Þú og ég" eftir Gunna Þórðar, og söngvarinn fór á kostum. Þetta var frábært. En ég veit ekki hvað svona kostar.
Alla malla | Hvað segir hjartað þitt hvaða söngvari mundi gleðja þau mest?
Ég hef gert þetta nokkrum sinnum en þá alltaf í samráði við brúðhjónin og/eða veislustjórann. Ég hef alltaf leyft brúðhjónunum að velja og þau hafa valið einhvern sem hefur sungið lag sem hefur tengst tímanum þegar þau voru að byrja að kynnast eða einhverjum sem hefur verið mjög vinsæll á þeim tíma. Þeir sem ég man eftir að hafa séð syngja mikið í þeim brúðkaupum sem ég hef heyrt af eða farið í eru t.d. Páll Óskar, Friðrik Ómar, Regína Ósk, Jógvan og svo stundum Friðrik og Regína saman eða Friðrik og Jógvan, Páll Rósinkrans, Erna Hrönn og Egill Ólafs. Kostnaðurinn fer eftir því hvort þau syngja í kirkjunni, veislunni eða á báðum stöðum og þau taka mis mikið fyrir. Ég myndi giska á einhvers staðar á milli 40 og 150þúsund, hærri upphæðin væri þá miðað við söng bæði í kirkjunni og veislunni og að það væri sungið svoliitið mikið. Söngvararnir koma oftast með undirspil á ipad og sumir koma með eigið hljóðkerfi, gakktu samt úr skugga um að það sé hljóðkerfi á staðnum eða að söngvarinn komi með sitt eigið því það getur verið dýrt að þurfa að leigja það sér.