Ungabarn sem sefur of lítið.

vaknar upp um 2-3 sinnum á næturna*

Sofnar hún sjálf í þessum daglúrum eða þarftu að hjálpa henni (rugga vagninum) til þess að hún sofni? Eins með kvöldin, sofnar hún sjálf í vöggunni? Börn leitast oft eftir því sama og þau sofna út frá og sofa því oft skemur ef þau kunna ekki að sefa sig sjálf. Þú gætir kennt henni að sofna sjàlf...til margar ólíkar aðferðir til þess. Annars þurfa börn mismikinn svefn....ef hún er ánægð í vöku þá er þessi svefn kannski bara nægur? Mér finnst það samt ólíklegt fyrir þetta ungt barn.

Ég þarf að hjálpa henni að sofna. Er einmitt í því að reyna að venja hana á að sofna sjálf en það gengur afar erfiðlega. Ég er kannski ekki nógu ákveðin. Las svo um að það ætti helst ekki að láta börn gráta sig í svefn. svo ég fór að verða mýkri við hana. (Ég er hjá henni þegar ég reyni að láta hana sofna sjálfa) en það er þvilík öskur og grenj mjög lengi. Þetta er fyrsta barn svo ég er ekki sú besta í þessu :)

Það er best að kenna börnum að sofna sjálf í fyrsta daglúr, þá eru þau móttækilegust. Getur byrjað á því að rugga ekkert í þeim lúr en hjálpað henni í hinum lúrunum. Passaðu bara að hún sé ekki orðin of þreytt þegar þú leggur hana út heldur hæfilega (farin að geispa og nudda augun en ekki farin að grenja eða væla úr þreyty). Ég legg mína bara í vagninn með snuð og sinni henni á 2 mínútna fresti, það er sussa og rétti aftur snuðið. Þetta tók fyrst 20 mínútur (þá var ég búin að ákveða að gefa þessu hámark 30 mín), svo alltaf innan við 10 mínútur og núna þá tekur þetta yfirleitt bara 1-5 mínútur. Það er eins og hún þurfi alltaf aðeins að pústa áður en hún fer að sofa. Ég tek það fram að hún kvartaði/grét nefnilega líka þegar ég ruggaði henni í fanginu og í vagninum....þannig að mér fannst best að kenna henni að tengja ákveðnar athafnir (klæða hana fyrir vagninn og rétt snuð/huggunartæki) við svefn. Ef barnið brjálast alveg er auðvitað hægt að taka það upp og hugga og leggja svo aftur niður þegar það hefur náð að róa sig. Ég rugga stundum og rétti snuð ef hún er að vakna og snemma upp úr daglúrnum og ég veit að hún þarf lengri svefn til að vera hress. Reyni samt að telja upp á 10 áður en ég hleyp til og sinni henni því hún á það til að ná að róa sig niður sjálf.

Og eitt enn....myndi prófa að hafa daglúr nr. 1 fyrr heldur en 09:30. Held að það sé of mikið fyrir 4 mánaða gamalt barn að vaka í 2 1/2 tíma fyrir fyrsta daglúr (þ.e. ef hún er vön að vakna kl. 07)...þá er hún kannski orðin of þreytt og sefur þess vegna verr. Myndi prófa 1 1/2 tíma eða bara fylgjast mjög vel með henni og leggja hana um leið og hún fer að geispa.

Ég mæli með bók sem heitir Draumaland eftir Örnu Skúladóttur svefnráðgjafa. Sumar aðferðirnar sem predikaðar eru í bókinni eru að vísu svolítið harkalegar, en það er ágætt að ská svefnviðmiðin fyrir hvern aldur og ýmsar einfaldar ráðleggingar/tilfæringar sem geta lagað mikið.

Annars held ég að það sé best að byrja á að laga daglúrana og þá lagast kvöldin og nóttin í leiðinni. Minn drengur er 4 mánaða og er að sofa svona:

Vaknar kl. 8

Fyrsti lúr kl. 9:30-11:30
Annar lúr kl. 13:30-15:30
Þriðji lúr kl. 17:30-18:00
Háttatími kl.ca. 20:30

Þetta er ekki alltaf nákvæmlega svona upp á mínútu en samt svona nokkurn veginn.

Myndi byrja á að láta hana taka fyrsta lúrinn fyrr og lengja hann úr hálftíma í 2 klst.

Takk fyrir þetta :).
Ég nefnilega reyni að láta hana sofna aftur þegar hún sefrur í þennan hálftíma, en mín er bara glaðvakandi, spjallar og er í svaka stuði. Veit ekki hvernig ég á að fara að því að láta hana sofa lengur.

Notar hún snuð? Minn drengur er nýfarinn að nota snuð og þvílíkur munur! Það kemur fyrir að hann rumskar í daglúrunum sínum og þá nægir mér oftast að gefa honum snuð og þá sofnar hann aftur á 5 mín. Var örugglega búin að prufa 5 tegundir áður en ég fann þá einu réttu sem er gammeldags latex snuð með kúlulaga totu sem er fyrir 0-18 mánaða. Annars reyni ég að hafa lítil sem engin samskipti við hann þegar hann rumskar og helst ekki ná augnkontakti, því þá vaknar hann oft meira.

Hún sefur mest í vagninum úti, spurning hvort ég fari bara ekki að láta hana alltaf í vagninn, alla lúrana sem hún tekur, á meðan ég er að venja hana við að sofa lengur.

Jú ég myndi algjörlega láta hana taka alla lúra úti! Minn mundi ekki sofa mikið á daginn ef hann svæfi inni. En börn eru svo misjöfn með þetta.

Hún tekur snuð og hefur gert það alveg frá því hún var 1 dags gömul. Hún sofnar alltaf með hana og svo dettur hún út úr henni. Stundum er nóg að setja hana upp í hana þegar hún vaknar en stundum ekki.
Ætla að prófa að láta hana taka alla lúrana sína út í vagni á morgun.

Takk fyrir svörin :)

Passa líka að henni sé ekki of heitt þegar hún sefur. Svo hjálpar spiladós mikið hjá okkur :)

Ef þú ert með 4 mánaða barn sem er glatt, þrífst, þyngist, og vætir bleyjur þá er barnið að sofa nóg. 


Ég var svona barn...  svaf alltaf rosa l´tið miðað við önnur börn...svaf minna en stóri bróðir minn þegar hann var 3 ára og ég 1 árs....   sum börn þurfa minni svefn.


Ég held líka að ég myndi gleyma öllu um einhverja "sofna sjálf"  þjálfun ef þér finnst barnið sofa of lítið, bara gera allt ti lað fá barnið til að sofa...eins mikið og hægt er... alveg sama hvernig sá svefn fer fram eða hvar.  


að vakna 2-3 á nóttu er mjög eðlilegt fyrir 4 mánaða.

strákamamman;)

já og ég ráðlegg þér ALLS EKKI að kaupa bókina draumaland...eða hlusta á ráð örnu skúladóttur...  


það er til önnur aðferð..og önnur nálgun sem miðar ekki við að börn hafi öll sömu þarfr á sama aldri.   um hana er hægt að lesa í no cry sleep solution...  hægt að fá á bókasöfnum og þannig

strákamamman;)

Þúsund þakkir allar saman. Hún tók þrjá, 2 tíma lúra í dag. Því hún svaf út í vagni, vill greinilega bara sofa þar. Hún vaknaði alltaf eftir klst og þá var nóg fyrir mig að gefa henni snudduna.
Mér finnst í lagi að hún vakni svona oft á næturna en hún er bara svo lengi vakandi í senn að bylta sér. Þetta tengist bakflæðinu pottþétt því ég gaf henni örlítið af lyfinu sínu og hún sofnaði um leið. Er bjartsýn á að nóttin verði betri í nótt :)

ég á 4 börn og aðeins 1 þeirra svaf eins og börn eiga að gera,þannig að við erum búin að fara til Örnu og líkar það bara vel og auðvitað gengur ekki allt sem hún ráðleggur manni því það er ekki hollt myndi ég segja að láta barnig grenja endalaust eins og minn vill gera enda er hann ennþá uppí hjá okkur en það er MARGT sniðugt og gott sem hún segir þannig að ég ráðlegg þér allaveganna að panta tíma hjá henni

Minn gutti vaknadi á 3 tíma fresti til ad drekka:) alveg til 10 mánada.