Útilegu spurningar

1. Við tjölduðum á Hvammstanga fyrir örugglega tveimur árum og þá var það rosa fínt. Fullt hægt að skoða með því bara að keyra aðeins um svæðið, slatti af söfnum (sem stelpan mín setur sem algjört skilyrði) og bara mjög fínt.

2. Ég er með útilegu kassa, í honum er þetta helsta, tjaldljós, pottar, pönnur, borðbúnaður, eldspýtur, prímus, upptakir, dósaopnari, tannstönglar, allt til uppvöskunar, spil og eitthvað fleira (hef ekki farið yfir hann í ár). Passa mig á að gleyma heldur ekki, kaffi, te , kakói og salti.

3. Við erum ekki mikið bakstursfólk en höfum oftast með flatbrauð með silungi/hangikjöti. Hef stundum bakað muffins eða pizzasnúða sem stelpan getur gripið í. Erum frekar með nóg af grænmeti og ávöxtum.

Hjónabandsdæla og skinkuhorn er frábært í nesti, Taka stóra fötu eða plastkassa og setja eldhúsáhöld í hana ( diska glös hnofapör upptakara,) og svo má nota sömu fötu til að vaska upp í eða sækja vatn í næsta læk)

..................................................................................


https://www.facebook.com/icelandcottage

1 - Við höfum prófað að tjalda á Hvammstanga, Dæli í Víðidal, Laugarvatni, Laugalandi, Flúðum og Galtalæk á þessum landshlutum. Ég var hrifnust af Dæli, Laugarvatni og Hvammstanga. Ég reyndar veit ekkert hvort þetta séu barnvæn svæði, þar sem við erum barnlaus, en þetta eru mjög róleg svæði (mínus Flúðir, fer aldrei aftur þangað) Mér finnst möst að það sé sturta eða sundlaug á staðnum, allir þessir staðir nema Laugaland er með sturtu, Laugaland er með sturturnar í sundlauginni.


2. Ég er alltaf með í tösku hjá mér skissubók, pennaveski, litabók, yatsí, mannaspil, uno og fleiri afþreyingu.
Það sem er í fellihýsinu mínu er ketill, pottur, panna, pottaleppar, grilltöng og spaði, 4 manna sett af diskur, glösum, hnífapörum, bollum, tertudiskum, eldfast mót fyrir grillkjötið, skæri, ruslapokar og aumingjapokar, ofnhanskar, uppþvottalögur bursti og hanskar, 5l vatnsbrúsi, viskastykki og tuskur, krydd, tannstönglar, eyrnapinnar (þoli ekki vatn í eyrunum eftir sund!) kaffikanna, vöfflujárn, eldhúsrúllur og klósettpappír, afþví ég lendi allt of oft í því að það sé pappírslaus klósettin!! og línu til þess að búa til þvottasnúru plús klemmur.

3. Ég var að bara fyrir útileguna sem ég fer í á morgun dumle-lengjur, smábitakökur, muffins og pizzasnúða, en ég hef gert pönnukökur, hafa þær bara tilbúnar upprúllaðar með sykri, bananabrauð, skinkuhorn, brauðbollur.. eiginlega allt sem er ekki með viðkvæmu kremi á :)

Ég tjalda bara á fjölskylduvænum tjaldastæðum. Mér fannst gaman t.d. á  Úlfljótsvatni, Húsafelli, Blönduósi, Búðardal og Laugum Sælingsdal (ef þú hefur áhuga á að fara svo langt vestur). Líka Þakgili sem er mjög uppáhalds vegna einstakrar fegurðar, Laugalandi og einhverjir fleiri staðir sem ég man ekki og líklega tekur því ekki að nefna.
Mér finnst gott að vera með Kubb spil, venjuleg spil, góða gönguskó, Swissmiss og te. Föt fyrir hvaða veður sem er, sjúkrakassa, pening reiðubúinn fyrir gönginn ef þau eru farinn því þá fær bíllinn stundum hraðþjónustu ef mikil umferð er. Sundföt og handklæði. Svo auðvitað fullt af öðru sem mér sýnist aðrir hafa nefnt og ég er örugglega að tvítaka eitthvað frá öðrum. Svo mikilvægast er góða skapið og góða skemmtun :)

.

við erum mjög hrifin af úlfljótsvatni, stelpurnar alveg elska staðinn! :) 


við erum með kassa fyrir útilegudót, það sem ekki er búið að nefna þá er ég alltaf með pönnukökupönnu með hehe. allskonar hluti til að elda með. 

tjalda.is er þægileg heimasíða til að skoða tjaldstæði og hvaða þjónusta er í boði á hverjum stað, við notum hana mikið. 


það er algerlega persónulegt hvað er nauðsynlegt að hafa með, mér finnst gott að vera með ákveðinn útilegukassa þar sem ég safna saman því sem ég vil hafa með og þá er það bara tilbúið þar. 


það er ekkert nauðsynlegt að baka fyrir útilegu, ekki nema maður vilji það. Skinkuhorn hafa reynst okkur vel, þægilegt að grípa í þau í bílnum þegar maður er alveg að verða kominn og allir orðnir svangir. 

___________________
“Why do people say 'grow some balls'? Balls are weak and sensitive. If you wanna be tough, grow a vagina. Those things can take a pounding.”
― Betty White