Það er eitt sem ég skil ekki. Ef þorri landsmanna ekki sættir sig við að lán séu verðtryggð - hvers vegna er þá ekki hægt að afnema þannig lán?
Ég meina bara, við búum í lýðræðislegu ríki. Lýðurinn/fólkið ræður, eða er það ekki? Ef t.d. 70% þeirra, sem eru með kosningarétt vilja verðtrygginguna burt, ... af hverju er þá ekki hægt að koma þessu helvíti fyrir kattanef?
Eru of fáir í þinginu sem vilja afnema verðtrygginguna?
Er eitthvað sem ég er ekki að ná í þessu? Kanski skil ég bara ekki hvernig þetta hangir saman?
Ég er svo sem enginn hagfræðingur en ég held að fólk sé hugsanlega ekki að horfa á það sem skiptir mestu máli þegar það kvartar yfir verðtryggingunni.
Að minnsta kosti jafnlengi og Íslendingar hafa haft sjálfstæða efnahagsstjórn hefur óstöðugt gengi og neysluverð verið vandamál -- sem sagt illfyrirsjáanleg og oft mikil verðbólga. Ég þekki þessa sögu ekki alveg nógu vel en fyrir svona tveimur kynslóðum síðan voru veitt lán með föstum vöxtum, sem ætti að virðast nokkuð eðlilegt. Mikil verðbólga á seinni hluta tuttugustu aldar hafði það samt í för með sér að þessar skuldir héldust hérumbil fastar meðan krónan minnkaði og minnkaði (sem sagt, vöruverð og laun hækkuðu). Það var auðvitað mjög hentugt fyrir ömmur okkar og afa en augljóslega gengur það ekki til lengdar að gefa lán þegar kröfurnar bara sökkva í verðbólguna. Þá komu til lán með breytilegum vöxtum og síðar verðtryggð lán.
Ef lán eiga að vera lán en ekki styrkir þarf einhvern veginn að vega upp á móti íslenska verðlaginu, hvort sem það er með himinháum föstum vöxtum, breytilegum vöxtum eða verðtryggingu. Þetta tvennt síðarnefnda er að minnsta kosti hvort tveggja í boði. Eflaust mætti finna óverðtryggð lán á okurvöxtum líka.
Ég mundi segja það miklu nærtækara að kvarta yfir krónunni sem gjaldmiðli heldur en verðtryggingunni en það er bara mín skoðun.
---------------------
Ofangreindar eru ekki skoðanir notanda og lýsa á engan hátt áliti eða hugsunum hans. Engin ábyrgð er tekin á neinu.
bananana | Þetta er alveg rétt analýsa á ástandinu. Ástæðan er einföld -- ónýtur gjaldm...
Þetta er alveg rétt analýsa á ástandinu. Ástæðan er einföld -- ónýtur gjaldmiðill. Verðtrygging er ekki að fara að gufa upp á meðan við erum með krónuna. Það er alveg deginum ljósara. Framsóknarmenn og aðrair populístar geta lofað því að afnema verðtryggingu en það er ekki að fara að gerast. Þeir geta alveg eins lofað sólríku sumri og ákveðinn prósenta landans væru nógu mikir kjánar að trúa þvi loforði og kjósa þá.
Zagara | Það eru óverðtryggð lán í boði. Skoðaðu þetta sjálf/ur og þá kannski áttarðu...
Það eru óverðtryggð lán í boði. Skoðaðu þetta sjálf/ur og þá kannski áttarðu þig á því af hverju almenningur er almennt að velja sér verðtryggðu lánin.
Gladis | Það er líka hægt að breyta verðtryggðu lánunum í óverðtryggð. Við gerðum það...