Ég tók mig til og skrifaði niður uppskrift af einföldum vettlingum með þumaltungu á börn (2-3 og 4-5 ára). Þetta er svona til þæginda fyrir þær sem vilja frekar gera svoleiðis þumal en þann hefðbundna. Mér er allavega farið að finnast það mun þægilegra þegar ég er að fjöldaframleiða vettlinga fyrir veturinn.
Er tiltölulega nýbyrjuð að prjóna og fannst þetta tilvalið byrjendaverkefni :) Eitt sem ég átta mig ekki alveg á: "Setjið 8/10 lykkjur sem tilheyra þumaltungu a´ aukaband/nælu/aukaprjo´n og fitjið upp tvær lykkjur a´ si´ðasta prjo´ni. Umferð byrjar og endar a´ milli þessara tveggja lykkja." Er semsagt búin að setja 10 lykkjur sem tilheyra þumli á nælu en átta mig ekki á þessum lykkjum sem ég á að fitja upp. Hvernig fitja ég upp svona í miðju prjóni? Á hvaða prjón á ég að fitja uppá (prjónninn á undan eða eftir nælunni)? Bandið er líka á miðri nælunni er það allt í lagi? Fullt af aulaspurningum en ég vona að einhver geti hjálpað mér með þetta :)
karamellusósa | þú prjónar lykkjurnar þannig að bandið sé ekki á miðri nælunni, settu þær ba...
þú prjónar lykkjurnar þannig að bandið sé ekki á miðri nælunni, settu þær bara aftur á næluna þegar þú hefur prjonað þær, svo prjónarðu bara prjóninn þar til þú kemur að nælunni , þá fitjarðu upp með svokallaðri hundafit, þessar tvær lykkjur, og prjónar svo restina af umferðinni (ekki á nælunni)
þetta handavinnuspjall er orðið hálf óvirkt, en flestar prjónatengdar umræður og ráð hafa flust yfir á prjónahópa á facebook, til dæmis handóðir pjónarar, ein slétt-ein brugðin og fleiri, kíktu þangað, ansi góð ráð þar og skrilljón handavinnukonur til aðstoðar.