Airbnb eða hótelgisting - borgarferðir

hótel er betra, öruggara, dýrara

Æi ég myndi ekki nenna að vera á Airbnb í stuttri borgarferð. Þurfa að kaupa mér í morgunmat og þetta snöfl sem fylgir því að sjá um sig sjálfur. Myndi frekar vera á hóteli þó það kostaði aðeins meira.

Já. Hvoru tveggja hefur virkað mjög vel fyrir mig. Mér finnst miklu skemmtilegra að leigja íbúð hjá airbnb ef maður er að fara í stærri hóp. Skiptir minna máli ef þú ert að fara ein eða sem par.  Annars ef þetta ca sami hluturinn ef þú velur pottþétta airbnb eign (horfir á reviews og staðsetningu og  velur íbúð þar sem ekki þarf að sækja eða skila lyklum annað eða græja hluti eins og rúmföt og handklæði osfrv). Afslappaðra að vera í eigin íbúð en meiri lúxus á hótelinu. 

Airbnb er held ég ekkert ódýrar ef um er t.d. að ræða bara tvo einstaklinga að fara í stutta borgarferð - ekki nema að þú sért tilbúinn að vera í herbergi inni á einhverjum öðrum. Þetta eru oft íbúðir sem að rúma amk fjölskyldur og þá er það ekkert endilega sparnaður ef bara tveir ætla að vera í íbúðinni.

Myndi mæla með hóteli fyrir par en airbnb fyrir fjölskyldur eða fleira en eitt par að fara saman.

Mín reynsla er að Airbnb er betra. Við leigðum íbúð miðsvæðis í París fyrir sama verð og við hefðum fengið hótel í útjaðri borgarinnar. Í íbúðinni var lítið eldhús svo við gátum keypt í matinn og bara almennt mun notalegra en að vera inná einhverju pínulitlu hótelherbergi. 

Við höfum notað bæði og alveg tekið áhættur með nýjar eignir á AirBnB en alrei verið neitt vesen. Ég myndi alltaf velja AirBnB ef ég væri að ferðast í hóp eða með börn en hótel kannski ef ég væri að fara í paraferð bara við tvö. Okkur fannst mjög kósí að geta farið í matvörubúð og keypt morgunmat og snarl til að grípa í plús þæginlegra að geta setið og spilað eða spjallað á kvöldin.
Það fer rosalega eftiir borgunum en oft er airbnb ódýrara til dæmis er það þannig í New york, boston og DC en ég hef ekki kynnt mér það almennilega í evrópu. 

talandi um airbnb, hefur einhver prófað að gista inn á fólki? Semsagt fengið bara herbergi inn á heimili? Hvernig var það? Langar að vera í London yfir eina nótt og ekki hafa það of dýrt, verðum 2. 

Ég hef sjálf bara leigt út herbergi hjá mér fyrir Airbnb, finnst þeir gestir "þægilegri" en couchsurferar að því leiti að þau eru ekki mikið að leitast eftir félagsskap heldur meira bara gistingu. Sem hentaði mér betur þar sem ég var mjög upptekin annars á þessum tíma sem ég var að þessu.

Held einmitt líka að þeir sem eru að hýsa á airbnb séu frekar að hugsa þetta bara sem gistingu og ekki til að kynnast þér.

já nkl. Ég hef couchsurfað eitthvað, meira verið í því að taka á móti fólki samt en langar núna bara að fara í stutta ferð, þarf bara rúm til að gista á en mun annars vera bara úti. 


Ég þekki nokkra sem hafa fengið fólk heim til sín en engan sem hefur gist heima hjá fólki í gegnum airbnb, væri mikið til í að heyra reynslusögur. 

í 3-4 daga ferðum finnst mér betra að vera á hóteli en allt lengra en það kjósum við airbnb til að geta eldað og svona. En hótelmorgunverður og þrif á herbergi daglega finnst mér fínt í stuttum ferðum, sérstaklega ef maður fer þar sem er heitt