Að breyta um lopategund

þú gerir prjónfestuprufu. 

Getur gert prjónfestuprufu en persónulega nenni ég því aldrei :/ 
Ef þú ert að meina léttlopa í staðinn fyrir tvöfaldann plötu, þá myndi ég sennilega bara gera eina stærð niður... svo bara toga til ef þarf ;)

Ég var nú meira að meina venjulegan lopa í stað tvöfalds plötulopa, en kannski þetta endi bara á léttlopanum :)

Hvað ertu samt að meina með 'venjulegum' lopa? :) Álafoss?

Tvöfaldur plötulopi er mjög áþekki Létt lopa, ég prjóna mjög svipað úr þeim báðum og get víxlað þeim í uppskriftum. Þrefaldur plötulopi er áþekkur Álafosslopa.

Hvað er "venjulegur lopi" hjá þér?
Ef þú ætlar að skipta út tvöföldum plötulopa, þá kemst léttlopinn næst því að vera af sömu þykkt, en er ekki alveg eins. Álafosslopinn er eins og þrefaldur plötulopi. Það er ekkert öruggt hvernig flíkin verður ef þú skiptir um tegund, svo það er langbest að gera prjónfestuprufu
Ég mæli samt með plötulopanum, ég prufaði hann fyrir nokkrum árum og nota hann nær eingöngu núna. Mér finnast flíkurnar verða mýkri, ein lítil sem ég prjóna mikið á fékkst aldrei til þess að vera í lopa, en hún getur verið í plötulopaflíkum, það þýðir ekkert að prjóna á hana úr létt- eða álafosslopanum. Svo er hann töluvert ódýrari en hinir loparnir :)

----------------------------------------------------------------------
Don't grow up. It's a trick!!

Held að það sé Álafosslopi sem ég kalla venjulegan lopa. Ég ætti nú líklega að prófa plötulopann, hef aldrei prjónað úr honum. Ég var eitthvað hrædd um að hann dytti svo auðveldlega í sundur, að það gæti verið erfitt að prjóna úr honum, en kannski ég ætti bara að skella mér í að prófa hann :)