Mér finnst Álafosslopinn vera mitt á milli 2falds og 3falds plötulopa. Allavega miðað við mína prjónfestu.
Ég myndi sennilega þurfa að bæta aðeins við lykkjufjöldann sennilega sem samsvaraði einu munstri sem er oft 6 eða 8 lykkjur sem myndi þá skiftast á milli erma og bols. Sennilega er best að gera prjónfestuprufu eins leiðinlegt og það nú er.
Grjona | Ég er komin á þá skoðun að nota tvöfaldan, ég prjóna frekar laust og hef nota...
Ég er komin á þá skoðun að nota tvöfaldan, ég prjóna frekar laust og hef notað sama grófleika af prjónum og gefið er upp í uppskriftinni sem ég ætla að fara eftir. En jú, ég ætla að gera prjónafestuprufu í þetta skiptið, eða öllu heldur, mæla út bút á flík sem ég á og telja út ;)
Endilega, og láttu svo vita. Ég er alltaf að sjá þetta upp gefið svona en finnst það hálf ótrúlegt. Og þetta er eitt af því sem ég ætla alltaf að sannreyna sjálf en gleymi alltaf...
Prjónafesta á Álafosslopanum á að vera 13 lykkjur og 18 umferðir. Ég fitjaði upp slatta af lykkjum og prjónaði slatta af umferðum, töluvert meira en 10*10, mældi út, merkti og taldi, allt áður en ég tékkaði á prjónafestunni, og viti menn, 10*10 er nákvæmlega 13l*18u hjá mér! Magnað :)
Ég prjóna alltaf úr tvöf. plötulopa þegar uppskriftin segir Álafoss lopi. Mér finnst peysan verða aðeins léttari og meðfærilegri úr plötulopanum. Ég þarf alltaf að gera prjónfestuprufu til að kanna hvaða prjóna ég á að nota og er yfirl. í sömu prjónum og uppskriftin gefur.