Prjónaði í fyrra tvær peysur á sömu prjóna eftir sömu uppskrift (Brynja). Önnur var úr gömlu Flos garni frá Ístex. Hin úr tvöföldum plötulopa. Stærðin kom eins út svo ég myndi segja að þykktin á Flos væri svo til eins og á léttlopa. Áferðin á Flos peysunni er hinsvegar allt önnur enda er ullin blönduð mohair. Hún er mýkri og liprari og aðeins loðnari en hnökrar þó nokkuð og ég held hún verði ekki eins endingargóð og plötu eða léttlopapeysurnar. Ég myndi ráðleggja þér að prjóna Flos garnið á aðeins fínni prjóna en þú notar fyrir léttlopa eða tvöfaldan plötulopa.
Crystal Fleece eingirnið var líka framleitt af Ístex svo þær geta áreiðanlega gefið þér upplýsingar um það. Hef ekki prjónað úr því en veit að það var framleitt í virkilega falllegum litum. Hef séð knipplingaprjónaðar peysur úr því sem voru hreinir dýrgripir. Áreiðanlega upplagt í knipplingatrefla eða sjöl.
Bwana | Takk kærlega fyrir. Ég fann einmitt að það var aðeins mýkra. Takk aftur.