Legvatnsástunga

Ég hef ekki reynslu af legvatnsástungu en hef farið í fylgjusýnatöku, það er sú aðferð sem oftast er notuð við litningarannsóknir á meðgöngu í dag og margir sem rugla þessu saman. Hvað ertu að spegúlera?

Ég var bara að velta því fyrir mér hvernig þetta væri allt saman - hvernig leið þér eftirá?

Þetta er gert á fósturgreiningardeildinni, það voru tveir læknar og ljósmóðir á svæðinu ásamt einum lækni frá rannsóknarstofunni. Maður er í sónar og fyrst er strokið yfir stungustaðinn með staðdeyfiefni, síðan er stórri nál stungið inn í gegnum kviðinn og alla leið inn í legið og sýnið er sogað úr fylgjunni. Þetta tekur smá tíma þar sem það þarf að ná nægilega miklu magni, síðan þegar læknirinn frá rannsóknarstofunni telur vera komið nóg þá er nálin tekin út og þetta er búið. Þetta er ekki beint vont heldur meira skrítið og óþæginlegt. Ég var bara með lokuð augun allan tímann og maðurinn minn hélt í aðra hendina mína og ljósmóðirin í hina og ég held ég hafi kreist þau bæði frekar mikið. Eftir á þá leið mér bara ágætlega, maður á að taka því rólega þann daginn en það kom ekkert upp á og ég passaði mig bara að hvíla mig vel.

Takk fyrir svarið. Fórstu í þetta eftir samþætta líkindamatið?

Já, fengum auknar líkur á litningagalla og ákváðum að fara í fylgjusýnatöku í kjölfarið. Það kom síðan allt vel út úr fylgjusýnatökunni en því miður þá endaði meðganga nokkrum vikum seinna með fósturláti vegna krónískrar blæðingar frá fylgjunni, algjörlega ótengt sýnatökunni þar sem blæðingin var byrjuð áður en ég fór í sýnatökuna.

Manstu hvað það tók langan tíma að fá að vita um auknar líkur eftir blóð prufuna? Eða fékkstu að vita strax í sónarnum?

Manstu hvað það tók langan tíma að fá að vita um auknar líkur eftir blóð prufuna? Eða fékkstu að vita strax í sónarnum?

Yfirleitt er látið vita innan 2ja daga eftir blóðprufuna. Færð að vita í sónarnum hvort að hnakkaþykktin sé eðlileg en heildarniðurstaðan kemur sum sé ca. 2 dögum seinna. Það er bara haft samband ef eitthvað er að en annars fer ljósmóðirin yfir þetta í næstu mæðraskoðun.

Við fengum reyndar að vita þetta í sónarnum þar sem við fórum tvisvar í 12 vikna sónarinn þar sem það gekk svo illa að mæla hnakkaþykktina í fyrra skiptið. Ég fór í blóðprufuna eftir fyrri sónarinn þannig að þegar við mættum í seinna skiptið þá voru niðurstöðurnar úr blóðprufunni komnar.