verkir í mjöðm

Úff kannast við þetta. Er komin 23 vikur og þetta er búið að hrjá mig í nokkrar vikur. Get ekki orðið sofið á annari hliðinni, sem skilur eftir ansi fáar stöður til að sofa í. Á örugglega eftir að enda á því að sofa sitjandi í sófanum með þessu áframhaldi :/ Veit samt ekki af hverju þetta stafar, væri alveg til í að vita það.

Ég er einmitt hætt að geta sofið fyrir þessu, er að vakna á 1-2 klst fresti til að koma mér í aðra stöðu.

Sterkar B-vítamín stelpur. Svínvirkar á svona grindarverki.

Ég er með bólgur í mjöðmum og þetta er eitt af einkennum þess. Lang besta meðalið er sjúkraþjálfun og/eða meðgöngu nudd.

S.s ég var að klára meðgöngu bara núna um helgina og þetta þarf engan vegin að versna, bara vinna í þessu. Meðgöngu belti og snuningslak og plastpoki í sætið á bílnum Bjargar líka miklu.

Fórstu til læknis til að fá að vita með bólgurnar?

Fór til heimilislæknis og byrjaði svo hjá sjúkraþjálfara 17 ára. Búin að vera að vinna í þessu síðan. Verð 25 ára á þessu ári og eignaðist dreng núna um helgina. Meðgangan hefði getað orðið hell og ég endað á hækjum. En þökk sé sjúkraþjálfun, TENS tæki sem hún var með, meðgöngunudd þegar allt var extra slæmt og svo öllum þeim grindar ráðleggingum sem ég fann náði ég að vinna fram á 38 viku í starfi sem byggist mikið á að standa :) ég var hjá þeim í heilsuborg og var í svona sjúkraþjálfun /sjúkranudd kombó.

Vonandi ertu ekki með klemmda taug :/ Annars gæti þetta verið byrjun á grindarverkjum. Passaðu mjög vel hvernig þú beitir þér og það er mjög sniðugt að byrja að nota snúningslak í rúminu. Passa alltaf að stíga jafnfætis uppí rúm og uppí bíl t.d. 
Standa alltaf jafnfætis í báðar fætur þegar þú stendur og ekki krossleggja fæturnar, bara aldrei! 
B vítamín er mjööög gott við grindarverkjum :)

Ég alveg hamast við að berjast á móti því að krossleggja fæturnar haha og er svona eftir bestu getu að reyna að beita líkamanum rétt einmitt með von um að fá ekki í grindina en er að vinna vinnu sem gerir mér erfitt fyrir..
er að fara til ljósunnar minnar í lok mars og veit ekki hvort ég eigi að bíða bara þangað til með að ræða þetta við hana, eða fá aukatíma eða tala við lækni hehe.